.png)
CoronaVac, e njohur si vaksina Sinovac e COVID-19, e që pritet të vijë në Shqipëri për të nisur vaksinimin masiv të popullsisë pas marrëveshjes që qeveria ka nënshkruar me një kompani turke, është prodhuar nga kompania kineze Sinovac Biotech. Vaksina nuk ka pasur një fazë të tretë të mirëfilltë për provat, por ka prova klinike në Brazil, Kili, Indonezi, Filipine dhe Turqi. Vaksina mbështetet gjithashtu në teknologjinë tradicionale të ngjashme me BBIBP-CorV dhe BBV152, vaksinat e tjera kineze të virusit të çaktivizuar COVID-19. CoronaVac nuk ka nevojë të ngrihet dhe mund të transportohet në frigorifer në 2-8 gradë celsius, temperatura në të cilat mbahen vaksinat e gripit. Vaksina prodhohet edhe në Malajzi, nga kompania Pharmaniaga, ndërkaq po përdoret në fushatat e vaksinimit nga vende të ndryshme në Azi, Amerikën e Jugut, Amerikën e Veriut dhe Europë. Kryesisht në Filipine, Tailand, Kamboxhia, Meksikë, Kinë, Kolumbi, Kil, etj.
Kostoja e saj është e ndryshme në vende të ndryshme. Në Kinë është 5 dollarë një dozë, në Indonzei 17 dollarë, ndërsa në Filipine dy dozat shkojnë 38 dollarë.
Në mars, një zëdhënës i Sinovac tha për “Reuters” se kapaciteti i CoronaVac mund të arrijë 2 miliardë doza në vit deri në qershor 2021. Ndërkaq në të gjitha vendet deri më tani janë administruar 70 milion doza të CoronaVac. Vaksina ka një favor të madh për sa i përket temperaturës, pasi mund të shpërndahet dhe në shtete që nuk e kanë të zhvilluar zinxhirin ftohës. Njëjtë si vaksinat e tjera ajo është me dy doza. Sinovac shpreson të rrisë efikasitetin duke zgjatur intervalin kohor midis dozave. Sidoqoftë, studime të mëtejshme janë të nevojshme para se të mund të ndodhë kjo, pasi zgjatja e periudhës kohore mes dy dozave rrit dhe rrezikun e infektimit nga mutacione të tjera.
Efikasiteti
Më 7 Janar 2021, rezultatet nga provat e Fazës III në Brazil midis 13,000 vullnetarëve zbuluan se vaksina ishte 78% efektive në parandalimin e rasteve simptomatike të COVID-19 që kërkojnë ndihmë mjekësore dhe 100% efektive kundër moderuar dhe infeksione të rënda. Pas rritjes së presionit nga shkencëtarët për informacion, Instituti Butantan në Brazil tha më 12 janar se këto norma përfshinin vullnetarë që konsideroheshin raste të lehta deri në ato të rënda të COVID-19. Efikasiteti i përgjithshëm, përfshirë rastet asimptomatike dhe rastet simptomatike që nuk kërkojnë ndihmë mjekësore ishte 50,38 %.
Më 3 Mars 2021, rezultatet përfundimtare të Fazës III nga Turqia treguan një efikasitet prej 83.5%. “Shkalla përfundimtare e efikasitetit u bazua në 41 infeksione, 32 prej të cilave kishin marrë një placebo (medikament jo real)”, tha Murat Akova, shefi i provave të Fazës III në Turqi.
Ai shtoi se vaksina parandaloi shtrimin në spital dhe sëmundjen e rëndë në 100% të rasteve, duke thënë se gjashtë persona që u shtruan në spital ishin të gjithë në grupin që morën placebo. Rezultatet përfundimtare u bazuan në 10,216 pjesëmarrës, 6,648 prej të cilëve morën vaksinën si pjesë e studimit të Fazës III që filloi në mes të Shtatorit.
Vaksina Covid-19 e Sinovac Biotech duket të jetë e sigurt dhe e aftë të krijojë përgjigje imune edhe tek fëmijët e adoleshentët, sipas deklaratave të kompanisë. Kështu kjo vaksinë vihet në radhë të dytë pas Modernës për sa i përket vaksinave funksionale tek fëmijët. Të dhënat paraprake ishin nga provat klinike të Fazës I dhe II që përfshinin mbi 500 persona midis moshës 3 dhe 17 vjeç të cilët morën vaksinën. Sipas shkencëtarëve të kompanisë, për fëmijët nga tre deri në 11 vjeç, doza më e ulët mund të shkaktojë përgjigje të favorshme të antitrupave dhe doza mesatare funksionoi mirë për ata të moshës 12 deri në 17 vjeç.
Më 11 janar, Indonezia tregoi i rezultatet e Fazës III nga një analizë e përkohshme e 25 rasteve që treguan një shkallë efikasiteti prej 65.3% bazuar në të dhënat e 1,600 pjesëmarrësve në studim. Hulumtimi u zhvillua në qytetin e Bandung dhe nuk ishte e qartë se si u bënë llogaritjet nga shkencëtarët indonezianë.
Pas provave të Fazës III të Indonezisë, autoritetet shëndetësore në Brazil njoftuan se planifikohet të rritet prodhimi në 250 milion doza në vit. Ndërsa në Egjipt kohët e fundit qeveria ka deklaruar se është në diskutime me kompaninë Sinovax për të prodhuar vaksinën për përdorim lokal dhe eksport në vendet afrikane.
Në bazë të të dhënave të raportuara deri më tani, vaksina duket e sigurt dhe vetëm disa njerëz kanë përjetuar simptoma të lehta si dhimbje koke. Ndërkaq një ekip i Organizatës Botërore të Shëndetësisë (OBSH) në Kinë po rishikon praktikat e prodhimit për vaksinën e Sinovac dhe nëse OBSH rendit vaksinat për përdorim emergjent, kjo do të përshpejtojë shpërndarjen e tyre globale. Shkencëtarët thanë se mungesa e transparencës në lidhje me të dhënat rrezikonte të dëmtonte besueshmërinë e CoronaVac.
Burimi: Nature, BBC, Pharmaceutical Technology, The Straits Times/ Përshtati: Gazeta "Si"
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
