.png)
Gazeta Si – Një një shtëpi të pabanuar në fshatin Veliqot të Tepelenës, janë sekuestruar 25.35 kg kanabis në gjendje të tharë.
Policia thotë se brenda banesës që furnizohej me lidhje të paligjshme të energjisë elektrike, ka zbuluar 249 bimë kanabisi në fazë prodhimi.
Sipas njoftimit për shtyp, janë shpallur në kërkim shtetasit: D.Xh., 27 vjeç, banues në fshatin Veliqot (pronari i banesës) dhe E.Sh., 47 vjeç, banues në Sarandë, të cilët akuzohen si bashkautorë në këtë veprimtari kriminale.
“Në fshatin Veliqot, në kuadër të operacionit të koduar “Closed”, është zbuluar një ambient (banesë e pabanuar) e përshtatur me llamba që furnizoheshin me energji elektrike, për kultivim të bimëve narkotike cannabis sativa, në vazo. Nga ky ambient, Policia ka sekuestruar në cilësinë e provës materiale 249 bimë narkotike të mbjella në vazo, 25.35 kg lëndë narkotike cannabis sativa, llamba, pajisje ventilimi dhe sende të tjera që i shërbenin kësaj veprimtarie kriminale”, - thuhet në njoftimin për media të Policisë së Gjirokastrës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
