.png)
Nga Gazeta 'Si'- Ministri i Jashtëm i Shqipërisë, Igli Hasani thotë se nuk ka shqiptarë të cilët mund të jenë lënduar nga sulmi vdekjeprurës në Pragë të Çekisë, ku u vranë 15 persona dhe shumë të tjerë u plagosën.
Me anë të një postimi në rrjetet sociale, Hasani shprehet se ministria është në kontakt të vazhdueshëm me ambasadën tonë në Pragë.
"Thellësisht i pikëlluar nga të shtënat tragjike në Pragë sot, që rezultuan në humbjen e disa jetëve të pafajshme. Ngushëllimet e mia të përzemërta për familjet e prekura dhe i uroj shërim sa më të shpejtë të plagosurve.
Shqipëria solidarizohet me miqtë tanë çekë në këtë moment të vështirë.
Ministria për Evropën dhe Punët e Jashtme është në kontakt të vazhdueshëm me ambasadën e Republikës së Shqipërisë në Pragë", shkroi Hasani.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
