.png)
Nga Gazeta 'Si'-Të tjera detaje dalin lidhur me ngjarje e rëndë të ndodhur në Pragë, ku 24-vjeçari David Kozak ka vrarë me armë mbi 15 persona, dhe më pas dyshohet se është vetëvrarë.
Sipas mediave vendase, pak orë para ngjarjes është gjetur trupi i pajetë i babait të 24-vjeçarit, që dyshohet se është ekzekutuar nga ai.
Drejtuesi i policisë, Martin Vondrášek, tha në një konferencë për shtyp se ka më shumë se 15 të vdekur dhe 24 të plagosur, por se këto mund të mos jenë shifra përfundimtare.
“Policia e Çekisë ka marrë informacion në orën 12:20 se një 24-vjeçar duhej të shkonte në Pragë, duke thënë se donte të vetëvritej. Në orën 12:45 kemi marrë informacion se në të njëjtin fshat është gjetur një i vdekur, babai i të dyshuarit”, tha Vondrášek, duke shtuar se policia shumë shpejt zbuloi se i dyshuari ishte student në Fakultetin e Arteve.
Policia thuhet se nisi menjëherë kërkimet për të dyshuarin, 24 vjeçarin David Kozak.
“Në orën 14:59 morëm informacionin e parë për të shtënat në godinën e Fakultetit të Arteve këtu në sheshin Palach. Patrullat e para dolën në vendngjarje brenda pak minutash, njësiti i emergjencës për 12 minuta dhe në orën 15 e 20 minuta nga policët që ndërhynë morëm informacionin se trupi i pajetë i të qëlluarit është gjetur në trotuarin e kësaj ndërtese të shkollës”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
