Nga Gazeta 'Si'-Praga është tronditur mesditën e sotme nga një sulm i armatosur, si pasojë e të cilit kanë humbur jetën të paktën 14 persona, ndërsa janë plagosur më shumë se 30 të tjerë.
Sipas raportimit të mediave vendase, thuhet se autori ka hyrë në Fakultetin e Arteve në Universitetin e Pragës, ndërsa në duar mbante armën, që dyshohet ishte snajper. Autori ka kaluar me armën në dorë nëpër korridoret e Fakultetit duke terrorizuar studentë dhe stafin akademik.
Më pas thuhet se ai është ngjitur në katin e katërt, ku dhe dyshohet se ka qëlluar prej së largu. Nxënësit të kapur në panik kanë tentuar që të shpëtojnë duke u fshehur jashtë dritareve, në parvaze, apo edhe duke tentuar të zbresin nga ballkonet.
Ndërkohë kryebashkiaku i Pragës ka deklaruar se dyshohet se autori ka vdekur pasi ka qëlluar veten me armë dhe më pas ka rënë nga lartësia.
Stále probíhá evakuace budovy, jelikož se někteří studenti před střelcem uzamkli v místnostech. pic.twitter.com/Puw5it55h7
— Policie ČR (@PolicieCZ) December 21, 2023
Një email që i është dërguar stafit të universitetit, ka paralajmëruar personelin për të shtënat.
“Qëndroni në vend, mos shkoni askund nëse jeni nëpër zyra, mbyllni dyert me orendi dhe ndalni dritat”.
Aktualisht autoritetet e kanë mbyllur gjithë sheshin Jan Palah, ku është ndërtesa e fakultetit, dhe zonën përreth.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.