.png)
Shkencëtarët kanë krijuar një pajisje të printuar në 3D që mund të përshpejtojë qasjen e pacientëve ndaj medikamente të reja dhe të eleminojë nevojën për t’u testuar te kafshët.
Çdo vit mijëra kafshë përdoren në fazat e hershme të testimeve të medikamenteve dhe shumë prej tyre nuk shfaqin asnjë përfitim klinik.
Kërkuesit e Universitetit të Edinburgut kanë dizenjuar një çip që imiton përsosmërisht mënyrën se si një medikament lëviz në trupin e pacientit. Pajisja plastike iu mundëson shkencëtarëve që të testojnë ilaçet dhe të shohin se si reagojnë organet e ndryshme pa qenë nevoja e përdorimit të kafshëve.
Pajisja është e para e llojit të saj. Ajo është krijuar me anë të printerit 3D dhe 5 pjesët imitojnë zemrën, mushkërinë, veshkën, mëlçinë dhe trurin. Ato janë të lidhura përmes disa kanaleve që duken si sistemi i gjakut përmes të cilave mund të pompohen ilaçet.
Me anë të skanimit, pajisja gjeneron imazhe të detajuara 3D që tregojnë se çfarë ndodh brenda organeve të vogla. Injektimi i sasive të vogla të elementëve radioaktivë transmeton sinjale te një kamera me shumë sensorë që iu lejon shkencëtarëve të vërejnë efektin e ilaçit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
