.png)
Gazeta Si - Gjykata e Lezhës ka lënë në fuqi vendimin e "arrestit me burg" për drejtorin e IMT-së në Kurbin, Jetmir Mzhika, i akuzuar se ka lejuar ndërtime pa leje në zonën e Patokut.
Po ashtu është lënë në fuqi pezullimi i 3 inspektorëve të IMT, Rivelioni Ismalaj, Shan Preci, Artur Përdoda, dhe "arrest në shtëpi" për ish drejtorin e IKMT-së, Flori Gjini.
Sipas burimeve, leja për ndërtim të paligjshëm, bëhet fjalë për subjektin e Gëzim Çelës, i njohur si "Baroni i drogës", në hyrje të Patokut, ku ishte bërë një shtesë pa leje.
Hetimet nga Prokuroria e Lezhës nën drejtim nga Sabri Kastrati, kanë zgjatur prej 6 muajsh, ku burime bëjnë me dije se është vënë nën hetim dhe kryetarja e Bashkisë Kurbin, Majlinda Cara, në lidhje me këtë çështje.
5 masat e sigurisë që janë ekzekutuar
- Jetmir Muzhika, drejtor i IMT, bashkia Kurbin- “Arrest në burg”
-Flori Gjini, ish-kryeinspektor i IKMT Lezhë- “Arrest në shtëpi”
-Rivelioni Ismalaj, inspektor i IMT, bashkia Kurbin- Pezullimi i ushtrimit të një detyre a shërbimi publik
-Shan Preci, inspektor i IMT, bashkia Kurbin- Pezullimi i ushtrimit të një detyre a shërbimi publik
-Artur Përdoda, inspektor i IMT, bashkia Kurbin- Pezullimi i ushtrimit të një detyre a shërbimi publik
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
