.png)
Gazeta Si - Një 57-vjeçar ka rënë në gropën e ashensorit të një pallati në Tiranë dhe si pasojë e dëmtimeve të marra ka humbur jetën.
Ngjarja ka ndodhur këtë të enjte rreth orës 12:50 në zonën e Kinistudios dhe sipas policisë viktima ka qenë në gjendje të dehur.
Megjithatë, nuk dihet nëse ashensori ka qenë funksional ose jo para se 57-vjeçari të binte, apo nëse ka pësuar ndonjë defekt gjatë shërbimit.
“Më datë 02.05.2024, rreth orës 12:50, në rrugën “Aleksandër Moisiu”, shtetasi I. I., 57 vjeç, dyshohet se, duke qenë në gjendje të dehur, ka rënë në gropën e ashensorit të një pallati dhe si pasojë e dëmtimeve të marra ka humbur jetën”, - thuhet në njoftimin e policisë.
Grupi hetimor po punon për sqarimin e rrethanave të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
