Covid-19 ikën vetë? Shkencëtarët zbulojnë mutacionin unik

Shkencëtarët kanë zbuluar se koronavirusi ka pësuar një mutacion unik tek një nga pacientët në Arizona, duke rritur shpresat se virusi ka nisur të dobësohet.

Në një nga 382 mostrat që ata mblodhën nga pacientët me koronavirus mungonte një segment i konsiderueshëm i materialit gjenetik. Por nuk ishte hera e parë që shkencëtarët përballshin me diçka të tillë. Në fazat e mesme të epidemisë së SARS-it në vitin 2003, kjo mungesë gjenetike filloi të shfaqej tek pacientët në të gjithë globin.

Nuk bëhet fjalë thjesht për një mutacion, por për një lloj ndryshimi që dobëson viruset, duke shkatërruar “armët” e tyre kundër anti-trupave të trupit të njeriut dhe duke e bërë infeksionin më të dobët.

Sa më shumë shfaqej ky mutacion, aq më shumë dobësohej shpërthimi i SARS. Deri në korrik, pesë muaj pasi mutacioni u shfaq në Azi në 23 shkurt, nuk kishte raste të reja. Tani, studiuesit e Universitetit Shtetëror të Arizonës kanë gjetur vetëm një person që kishte një version të virusit me këtë mutacion, por ata thonë që nëse bëhet më e zakonshme, epidemia do të shkojë drejt shuarjes.

Ashtu si ADN-ja në qelizat tona, edhe materiali gjenetik i viruseve është i prirur të pësojë mutacion, pasi ata rrëmbejnë me shpejtësi qelizat pritëse. Disa viruse ndryshojnë vazhdimisht, duke e bërë më të vështirë parandalimin dhe trajtimin e tyre.

HIV është ndër viruset që pëson mutacione më të njohur për njeriun. Ai gjithashtu përsëritet shpejt, gjithashtu, duke bërë miliarda kopje të vetes në një ditë të vetme. Këto tipare të kombinuara e bëjnë jashtëzakonisht të vështirë që virusi të bëhet rezistent ndaj ilaçeve.

Nga sa dimë deri tani, virusi që shkakton pandeminë aktuale, SARS-CoV-2, nuk pëson aq ndryshime sa HIV.

Kjo është edhe e mirë por edhe e keqe.

Nga njëra anë, sa më pak mutacione të pësojë virusi, aq më të mëdha janë shanset tona për të bërë një vaksinë që mund ta zhdukë në mënyrë efektive virusin. Por, deri sa të kemi një vaksinë, e cila në rastin më të mirë do të jetë gati në janar, koronavirusi do të vazhdojë të infektojë me siguri miliona njerëz dhe do të vrasë qindra mijëra të tjerë.

Në këtë kuptim, disa mutacione në të vërtetë mund të funksionojnë në dobinë tonë dhe studiuesit thonë se ndryshimi unik që zbuluan në Arizona është një prej tyre.

Gjenomet e viruseve janë shumë më të thjeshta se tonat dhe koronavirusi përbëhet nga 30,000 shkronja të ARN-së. Në njërën nga mostrat që ata mblodhën, studiuesit amerikanë zbuluan se një kombinim prej 81 shkronjash mungonte. Sekuenca që ishte zhdukur ishte një pjesë shumë e rëndësishme e ARN-së.

"Kjo është diçka që e kemi parë më parë gjatë shpërthimit të SARS-it në vitin 2003, kur virusi pësoi ndryshime të mëdha në sekuencat që bënin të mundur lidhjen e virusit me proteinat", tha autori i studimit Dr Efrem Lim për “DailyMail”. “Këto proteina nuk janë vetëm atje për tu përsëritur, ato janë atje për të ndihmuar në rritjen e virulencës dhe shtypjen e sistemit imunitar të hostit”, thotë ai. "Në rastin e Sarsit, ky mutacion çoi në zbutjen e epidemisë."

Me fjalë të tjera, virusi SARS u dobësua me kalimin e kohës.

"Sekuenca ku ndodh fshirja në gjenom është mjaft domethënëse sepse bëhet fjalë për një proteinë të njohur që kundërvepron kundër reagimit antiviral të hostit," tha Dr Lim.

Por a do të thotë kjo që koronavirus po bëhet më i dobët dhe më pak infektiv? Ekspertët shprehet se është shumë shpejt për të thënë. Pacientit ku virusit i mungonte sekuenca gjenetike shfaqte simptoma, duke sinjalizuar se virusi ishte akoma mjaft i fuqishëm për ta bërë individin e infektuar të ndihej i sëmurë.

Lajmi i mirë është se përveç SARS-it, ky mutacion gjenetik nuk është parë tek asnjë nga 16,000 koronaviruset që janë testuar, deri më tani.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.