.png)
Të hënën mbasdite dy orë para së të fillonte ceremonia zyrtare e pritjes së ish-presidentit amerikan Bill Klinton, kreu i shtetit shqiptar, Bajram Begaj, njoftoi mungesën për “arsye shëndetësore”.
Ai përcolli një qëndrim mirënjohës për figurën e Klintonit në faqen e tij në Facebook por në ceremoninë zyrtare ai nuk ishte në rresht me ish-presidentët.
Njoftimi vetëm dy orë para ceremonisë solli disa dyshime edhe për faktin se medaljen e mirënjohjes, Edi Rama, (bashkë me ceremoninë), e kishte marrë përsipër t’ia dorëzonte vetë ndërkohë që niveli më i lartë i medaljes është ai që akordohet nga Presidenti dhe se është ky i fundit që zakonisht dekoron figura të një niveli të tillë si Bill Klinton.
Një ditë më pas, Presidenti “është shëruar” duke zhvilluar një takim me zv-kryeministren Belinda Balluku.
Ajo është parë duke dalë nga Presidenca të martën pas mesdite.
Nuk dihet se cili është qëllimi i këtij takimi, por gjithësesi sot Presidenti ishte në punë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
