.png)
Ish-kreu i SHISH, Vlora Hyseni u paraqit sot në GJKKO, ku iu konfirmua masa e sigurisë “Arrest shtëpie”. Hyseni, e cila është liruar nga detyra, ka mbërritur në Gjykatën e Posaçme me makinë policie dhe e shoqëruar nga avokati i saj.
Hyseni akuzohet për “nxjerrje të sekretit shtetëror” dhe “përkrahje të autorit të krimit”. SPAK gjeti 9 faqe dokumente sekrete të SHISH në makinën e Ergys Agasit, i arrestuar për aferën e AKSHI-t, të cilat dyshon se ia ka vënë në dispozicion Hyseni.
Gjatë kalimit nga rruga drejt godinës, Hyseni ndaj pyetjes së gazetarëve nëse Agasit i janë kaluar nga ana e saj dokumente të klasifikuara, është shprehur: “Si kalon ti në takime me agjentët serb në dhomat e hotelit Rogner”.
Ndërsa pasi doli nga ambientet e GJKKO, ajo refuzoi të fliste.
Ndërkohë, më herët GJKKO la në burg Fatjon Kalluçin, shef në Laboratorin Shkencor të Policisë, dhe Embro Sulejmanin, kryekamerier në lokalin e vilave qeveritare në Durrës, të cilët akuzohen nga SPAK se ndihmuan Ergys Agasin gjatë arratisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje