.png)
Nga Gazeta ‘SI’ – Kostot e jetesës në Shqipëri është rritur më shumë se sa inflacionit, gjatë vitit 2022, sidomos për të varfrit.
Analiza e fundit e Bankës Botërore tregon se për familjet e varfra në Shqipëri , kosto e jetesës u rrit me 9.4%. Për shtresën e mesme kostot u shtuan me 8.9% dhe për të pasurit vetëm me 7.8%, ndërsa mesatarja 8.8%.
Për të njëjtën periudhë, inflacioni i përgjithshëm u rrit me 7.4%.
Gjithsesi, në raport me rajonin, Shqipëria ka rritjen më të vogël të inflacionit dhe kostos si edhe hendekun më të vogël midis shtresave.
Maqedonia e Veriut ka pasur inflacionit më të lartë, 19.2%, që ka shkaktuar shtrenjtim të kostos së jetesës për të varfrit pothuajse 24% dhe 18.4% për të pasurit.
Banka thekson se nisja e luftës në Ukrainë rriti ndjeshëm në të gjithë Europën kostot e jetesës dhe sigurisht, të varfrit e ndjenë më shumë, me përjashtim te Bjellorusisë, ku familjet më të pasura përjetuan inflacion më të lartë se familjet e varfra.
Hendeku midis shtresave tregohet shumë më i thellë në vendet në zhvillim se sa ato me ekonomi të qëndrueshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
