.png)
1,200 tatimpagues të cilët kanë përmirësuar deklaratën e TVSH-së në mënyrë vullnetare, prej majit 2018, nëqoftëse do të kryejnë pagesat për të gjithë muajt e sezonit turistik, do të shpërblehen nga Administrata Tatimore. Si rrjedhojë ata nuk do të jenë objekt i verifikimeve nga strukturat e zbatimit, i vizitave fiskale, i monitorimit të xhiros së realizuar apo i kontrolleve nga zyra
Drejtoria e Tatimeve ka bërë këtë deklaratë në kuadër të planit të masave që po zbaton për sezonin turistik.
Por, objekt i kontrolleve të plota do të jenë vetëm tatimpaguesit, të cilët nga analiza kanë rezultuar me risk të lartë për sezonin e kaluar turistik dhe nuk përmirësojnë në nivele të pranueshme vetëdeklarimin e tyre lidhur me xhiron pagesat e TVSH-së, numrin e të punësuarve për të gjithë muajt e sezonit turistik.
1,200 tatimpaguesit e mësipërm i janë përgjigjur pozitivisht ftesës së Administratës Tatimore për të përmirësuar deklaratën e TVSH-së, duke filluar nga periudha maj 2018.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
