.png)
Nga Gazeta Si - Humbja e dëgjimit është një nga problemet shëndetësore më të përhapura në Shqipëri, sipas raportit të fundit të BERZH. Sipas grafikut, anemia është shqetësimi i dytë shëndetësor më i përhapur në vendin tonë, ndjekur nga verbëria dhe epilepsia.
Në raport shkruhet se të gjitha këto probleme shëndetësore janë më të përhapura në rajonet e Europës Jug-Lindore sesa në G7. Në të gjitha vendet, problemet me dëgjimin dhe anemia janë dy nga problemet shëndetësore më të zakonshme dhe janë veçanërisht më të përhapura tek gratë.
Në nivel global, anemia është e lidhur me mungesat ushqyese (dhe kjo është e vërtetë edhe në ekonomitë e BERZH me të ardhura mesatare). Anemia prek veçanërisht njerëzit në grupe më të ulëta socio-ekonomike. Simptomat përfshijnë lodhje, probleme me përqendrimin dhe dobësi.
Gjithashtu shoqërohet me reduktim produktiviteti dhe të ardhura më të ulëta të familjeve. Nga ana tjetër, meshkujt kanë më shumë gjasa të kenë probleme me zemrën dhe humbje dëgjimi. Në mungesë të një aparati dëgjimi, ky problem shëndetësor mund të çojë në lodhje të tepërt, nevojën për të marrë më shumë raporte shëndetësore në punë dhe pension të hershëm.
Ndërkohë, humbja e dëgjimit prek meshkujt në të gjitha grup moshat, por më së shumti meshkujt mbi 45 vjeç.
Disa prej këtyre problemeve shëndetësore ndodhin me kalimin e moshës (si humbja e lëvizshmërisë ose shikimi), ndërsa të tjerat mund të lidhen me ushqimin, mënyrën e jetesës dhe kujdesin shëndetësor (si p.sh anemia dhe problemet me zemrën).
Në Ballkan, shqiptarët kanë më shumë probleme me shëndetin mendor
Sipas të njëjtit raport, në Shqipëri, 60% e grave kanë raportuar se ndjejnë depresion, ankth ose trishtim, në krahasim me rreth 40% të meshkujve. Në krahasim me rajonin, Shqipëria mban vendin e parë, me Kosovën, Serbinë, Maqedoninë e Veriut dhe Malin e Zi që raportojnë shëndet më të mirë mendor.
Në Kosovë, 30 për qind e grave dhe meshkujve deklarojnë se ndjejnë depresion apo ankth.
Në Slloveni, shqetësimet janë pothuajse aq të rralla sa në Gjermani, ndërsa në Algjeri, Jordani dhe Tunizi, rreth 90 për qind e të anketuarve raportojnë se kanë ndjerë ndonjë formë shqetësimi mendor të paktën një herë në javë.
BERZH analizon se shëndeti i mirë mendor rrit sasinë e kohës që njerëzit janë në gjendje të punojnë, produktivitetin e tyre dhe, në fund, të ardhurat. Depresioni, ankthi dhe çrregullimet e personalitetit janë disa nga problemet më të zakonshme në nivel global, me depresionin dhe ankthin që janë më të përhapurat.
Incidenca mesatare është më e lartë për gratë sesa për gratë burra në të gjitha vendet.
Shenja të tjera të problemeve mendore që nuk mbulohen nga anketa, të tilla si abuzimi me substancat dhe mungesa e kontrollit, janë zakonisht më të zakonshme tek meshkujt.
Në të njëjtën kohë, meshkujt mund të nën-raportojnë simptoma që mund të tregojnë dobësi, si p.sh depresioni.
Përqindja e të anketuarve që raportojnë se përjetojnë një formë të shqetësimit mendor të paktën çdo javë qëndron në rreth 40 për qind për të rinjtë dhe të moshuarit. Globalisht, ashpërsia dhe prevalenca e probleme mendore vlerësohet të arrijë kulmin në mesin e të tridhjetave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
