.png)
Ngjarjet historike mund të ndikojnë në shumë mënyra, ndoshta dhe në gjëra që askush nuk i mendon. Shpërthimi i një vullkani indonezian në 1815 shkaktoi mot të çuditshëm në të gjithë botën, duke frymëzuar një zhanër të ri të trillimeve gotike. Nga shkatërrimi i luftës së parë botërore doli modernizmi, me risi të mëdha në letërsi, art dhe tipografi. Gill Sans, një font ndryshe, krijuar nga Eric Gill në 1926, mishëronte dëshirën e botës së pasluftës për risi.
Ju mund të mendoni se po lexoni fjalët kur shikoni një shenjë ose logo. Por mënyra se si janë shkruar ato mund të jetë po aq e rëndësishme sa ato që thonë. Lloji i shkrimit është i rëndësishëm dhe ndikon në mënyrën se si e lexon marrësit mesazhin.
Një person nuk mund të shkruajë një ftesë feste me Times New Roman apo një ndjesë me Comic Sand. Për kompanitë, llojet e formave luajnë një rol më të rëndësishëm në artikulimin e identitetit të tyre sesa çdo element tjetër i dizajnit.
Kur bota ndryshon, ndryshon edhe ajo që duam të themi. Pra, pandemia tashmë po ndikon në tipografinë e markës. Shkronjat e thjeshta, të rregullta dhe funksionale po u japin vendin atyre më të rrumbullakëta, të buta dhe më shprehëse. Trendi filloi disa vjet më parë, udhëhequr nga kompani që njihen për gjallërinë e tyre si Duolingo dhe Mailchimp, por kulmin e ka arritur vitin e kaluar.
Në Britani, Currys pc World, një dyqan i mallrave elektrike ka hequr dorë nga stilet pa jetë për shkrim më karakteristik.
Emri i fundit i madh për të ndjekur shembullin është kompania O2. Marka po heq Frutiger që ka përdorur që nga viti 2002, për Monotype.
“Këto elemente që deri diku duken të parëndësishme, janë ato që vihen re të parat. Qëllimi është të japësh ngrohtësi dhe personalitet”, thotë Phil Garnham, një nga projektuesit e Monotype.
Ai thotë se efekti i shkronjave është "i fshehtë”.
Për dy dekada markat kanë zgjedhur sans-serif për lexueshmërinë e tyre nëpër ekranet me madhësi dhe rezolucione të ndryshme. Teksti i O2, Frutiger, shpesh konsiderohet si shkronja më e lexueshme e shpikur ndonjëherë, prandaj shfaqet në tabelat e aeroporteve në të gjithë botën. Megjithëse teknologjia tani bën të mundur që njerëzit të përdorin çdo font në një faqe në internet, markat kanë vazhduar të përdorin fonte të ftohta, gjeometrike si Avenir, Gotham dhe Proxima Nova.
Typefaces janë ekuivalenti vizual i tonit të zërit
Por e lexueshme nuk do të thotë domosdoshmërish e paharrueshme. Në fakt, e vërtetë mund të jetë e kundërta. Në 2018 studiuesit në Institutin e Teknologjisë Royal Melbourne zbuluan se lexuesit kishin prirjen ti kujtonin fjalët më mirë kur leximi përfshinte disa "vështirësi të dëshirueshme".
Ata krijuan një lloj shkrimi të quajtur Sans Forgetica, i cili hiqte pjesë të shkronjave dhe kërkonte që truri të plotësonte vendet bosh. Duke e provuar atë tek studentët, ata zbuluan se faktet e shkruara në këtë font kishin më shumë gjasa të mbaheshin mend se ato të shkruara në Arial.
Cilido qoftë efekti i tyre në kujtesë, germat ndryshe janë duke zënë vend. Kjo pjesërisht sepse rezolucionet e ekranit janë përmirësuar dhe sistemet e dizajnit të shkronjave janë më të përparuara. Kjo është gjithashtu sepse pandemia ka ndryshuar mënyrën e ndërveprimit të markave me ne. Kur dyqanet janë të mbyllura, materiali i shkruar, qoftë ai në internet ose hedhja e fletëpalosjeve është bërë më i rëndësishëm.
Shkronjat e epokës pandemike ndajnë një temë të përbashkët: linjat e lakuara dhe format e rrumbullakosura. Aoife McGuinness, një konsulent i neuroshkencës për HeyHuman, një agjenci marketingu, thotë se truri mund të jetë i lidhur për të lidhur forma të caktuara shkronjash me koncepte ose ndjenja.
Një nga viti 2017 zbuloi se njerëzit i lidhin llojet e rrumbullakosura të shkronjave me shije më të ëmbël dhe ato këndore me ato të tharta. Vijat e drejta dhe këndet e mprehta mbartin një qëndrueshmëri dhe autoritet, ndërsa kthesat dhe rrathët përcjellin butësi dhe madje edhe pozitivitet. Disa lloje shkronjash mund të jenë një mënyrë për t'u afruar më shumë me konsumatorët, veçanërisht ata që ndihen të vetmuar gjatë izolimit.
Nick Stickland, themeluesi i odd, një agjenci krijuese që punon me kompani të modës, ka një ide tjetër. Ai mendon se pandemia dhe çdo ndryshim që ka ndodhur këto kohë ka bërë që njerëzit të ndryshojnë shijet.
Trendi për minimalizmin e ftohtë Skandinav i ka lënë vendin një vlerësimi të ri për maksimalizmin komod. Njerëzit duan komoditetin tani.
“Shkronjat e epokës pandemike ndajnë një temë të përbashkët: linjat e lakuara dhe format e rrumbullakosura”, thotë Stickland.
Njerëzit gjithashtu kanë pasur shumë kohë për të menduar. Konsumatorët kujdesen më shumë për qëndrueshmërinë dhe diversitetin sesa ata në vitin 2019 dhe kompanitë duhet “të dëgjojnë”. Nëse ka shkronja që tregojnë autoritet e madje dhe arrogancë, konsumatori do heqë dorë dhe nga produkti. Për markat, rregullimi i shkronjave të tyre është një mënyrë për të qëndruar në treg.
Burimi: The Economist. Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
