Të martën në Kuvend është njoftuar seancë dëgjimore në komisionin për reformën me disa nga Organizatat e Shoqërisë Civile që kanë përgjegjësi çështjet zgjedhore.
Komisioni do të mblidhet fizikisht ndërsa grupi Bardhi ka njoftuar se nuk do të ketë punime normale deri sa kryetarja e Kuvendit të shqyrtoje kërkesën e 47 deputetëve të opozitës që në thelb lidhet me kërkesën për bashkëdrejtimin e komisionit.
Për këtë arsye, grupi Bardhi-Berisha kanë njoftuar një mbledhje më herët kësaj here jo tek kryesia por tek selia e PD-së.
Një ditë më parë grupi Bardhi iu bashkua protestës së organizuar nga PD-ja e Rithemelimit ndërsa vetë Gazment Bardhi iu bashkua njerëzve të mbledhur poshtë ballkonit ku Sali Berisha në arrest shtëpie mban fjalimin e përnatshëm.
Kjo ishte lëvizja e parë e Bardhit drejt konfirmimit se dy grupimet janë bërë bashkë, teksa po diskutohet edhe hartimi i një platforme të përbashkët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.