.png)
Ambasadorja e Bashkimit Europian, Sofia Moreira de Sousa, ka komentuar protestat në Shqipëri, duke theksuar se protesta paqësore është një e drejtë demokratike, por dhuna nuk mund të justifikohet, pavarësisht se nga kush ushtrohet.
Në konferencën e përbashkët me Edi Ramën këtë të enjte, ajo u shpreh se ajo që mungon aktualisht është dialogu mes palëve, duke bërë thirrje që të gjitha palët të bëjnë përpjekje të vërteta për të nisur komunikimin.
“Protestat paqësore janë një e drejtë demokratike, por, siç e thashë, jo dhuna. Dhuna nuk ka vend, nga kushdo që vjen. Ajo që mungon sot është dialogu dhe palët, pa përjashtim, duhet të bëjnë përpjekje të vërteta për të filluar dialogun. Protesta i kemi edhe në Europë. E rëndësishme është të kuptojmë cilat janë problemet e qytetarëve dhe të gjejmë mënyrat e duhura për t’i trajtuar ato”, u shpreh ambasadorja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje