Gazeta Si - Disa ditë pas tragjedisë në Ankona të Italisë, mes dhimbjes dhe lotëve është kryer ceremonia mortore e të riut Klajdi Bitri në qytetin e tij të lindjes në Lushnjë.
Familjarë, miq e shok i dhanë lamtumiren e fundit, 23-vjeçari që u vra në Itali nga një algjerian për shkak të një konflikti në rrugë për trafikun e makinave.
LEXO EDHE:
- Dinamika e vrasjes së Klajdi Bitrit në Itali, algjeriani e goditi, i nxorri shtizën nga gjoksi dhe shkoi në plazh!
- Djali iu vra në Itali, babai i Klajdit me lot në sy: Shteti të më ndihmojë të sjell trupin. Gruaja ende s’e di!
Ministri i Brendshëm, Taulant Balla ka qenë për vizitë në familjen Bitri, ku i ka siguruar se Shqipëria do ta ndjekë procesin gjyqësor ndaj autorëve që iu morën jetën 23-vjeçarit, në mënyrë që drejtësia të vihet në vend.
“Do ta ndjekim procesin gjyqësor në Itali që drejtësia të shkojë në vend”, tha ministri, e ndërsa gatishmërinë e shtetit për të qenë pranë dhimbjes së tyre për çdo nevojë që do të kenë.
Nga ana tjetër, Bashkia e Lushnjës miratoi 500 mijë lekë për shpenzimet e varrimit të 23-vjeçarit.
I riu u vra disa ditë më parë nga një algjerian me shtizën e peshkimit në përpjekje për të shuar një sherr me mikun e tij italian.
Ndërkohë, babai i Klajdit, Agim Bitri ritheksoi se nuk heq dorë derisa të gjejë drejtësi për djalin e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.