Banka e Shqipërisë raporton se investimet totale shënuan një rritje prej 1.8% në tremujorin e parë të vitit, dinamikë kjo më e ngadaltë se sa ajo e tremujorit paraardhës (2.2%) dhe se mesatarja e vitit 2018 (2.9%).
Analiza e BSh-së, konkludon se ngadalësimi i rritjes së importit të mallrave kapitale dhe rënia e importit të pajisjeve të transportit industrial sugjerojnë për kontribut negativ të kategorisë “Makineri dhe pajisje” në investimet e tremujorit të parë.
Në të kundërt, bazuar në zgjerimin e vlerës së shtuar në ndërtim, investimet në këtë sektor kanë kontribuuar pozitivisht.
Faktorë që mbështesin zgjerimin e investimeve private gjatë tremujorit të parë janë përmirësimi i besimit të bizneseve, rritja e normës së shfrytëzimit të kapaciteteve, si dhe rritja e kredisë për investim.
Treguesit indirektë që përafrojnë ecurinë e investimeve në tremujorin e dytë japin sinjale të ndryshme.
Komponenti publik i investimeve pritet të japë një kontribut negativ në formimin bruto të kapitalit.
Nga ana tjetër, shfrytëzimi më i lartë i kapaciteteve të lira, rritja e importit të materialeve të ndërtimit dhe metaleve, si dhe gjallërimi i kërkesës konsumatore pritet të jenë faktorët kryesorë nxitës të investimeve në tremujorët në vijim.
Ndërprerja e investimeve ishte paralajmëruar më shumë se një vit më parë prej bizneseve pësuese të zhvlerësimit të euros, sipas të cilëve humbjet në xhiro prej 15% do të shpinin në mos hapje vendesh të reja punë, mosmarrje kredie e si rrejdhojë mosinvestim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.