Nga Gazeta ‘Si’- Taulant Malshi është emëruar në krye të prefekturës së Qarkut Lezhë, pas dorëheqjes nga ky post të Gjergj Prendit.
Prezantimi i prefekti të ri u bë nga zëvendësministri i Brendshëm, Andi Mahila.
Gjatë prezantimit, Mahila u shpreh se prioritet kryesor i institucionit të prefektit duhet të jetë përgatitja për zgjedhjet e përgjithshme të 11 majit.
“Në kuadër të përgatitjes për zgjedhjet e përgjithshme të 11 majit 2025, prefekti i qarkut duhet të koordinojë nga afër me Komisionin Qendror të Zgjedhjeve dhe drejtoritë e policisë për të siguruar një proces zgjedhor të lirë dhe të ndershëm, të organizuar me ligjet e parashikuara nga Kodi Zgjedhor”, tha Mahila.
Nga ana e tij, Malshi shprehu angazhimin për të përmbushur prioritetet e qeverisë në shërbim të komunitetit.
Malshi merr drejtimin e prefekturës pas një karriere disavjeçare si Drejtor i Sigurimeve Shoqërore në Lezhë, ndërsa edhe më parë ka punuar në administratën publike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
