Nga Gazeta ‘Si’- Pak ditë më parë Sali Berisha mori leje nga SPAK për të udhëtuar në Gjermani për të marrë pjesë në Kongresin Elektoral të CDU (Unioni Kristian Demokrat i Gjermanisë).
Në konferencën me gazetarët, kreu i PD u shpreh se është i ftuar si kryetar partie. Edhe pse më herët kishte thënë se do takonte emigrantët shqiptarë atje, ai tha se e ka anuluar për shkak të kohës së kufizuar.
Berisha garantoi se do të shkojë sërish në Gjermani për të takuar emigrantët, por po ashtu tha se do të shkojë edhe në vendet e tjera për të kërkuar votën e diasporës.
“Në Gjermani jam i ftuar për të marrë pjesë si kryetar partie në kongresin elektoral të CDU. Ky kongres është njëditor ose më pak mund të jetë. Janë të ftuar kryetarë të partive anëtare të Partisë Popullore dhe unë do të shkoj të marr pjesë.
Mendova të organizoj një takim tjetër me shqiptarë, por koha nuk më premton, kështu që unë do të shkoj njëherë tjetër për të takuar emigrantët në Gjermani. Kam një axhendë, do filloj në disa takime.
Do shkoj në disa takime dhe do i njoftoj takimet”, tha Berisha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
