Kryetarja e Komisionit të Organizimit, Albana Vokshi zyrtarizoi të hënën rezultatin e numërimit të votave për kandidatët e Tiranës.
“Numri total i votuesve që kanë votuar në Tiranë është 8470, vota të vlefshme kanë qenë 8441 dhe të pavlefshme 29”, tha Vokshi duke lexuar më pas rezultatin.
Nga përllogaritja rezulton që asnjëri prej 7 kandidatëve nuk ka marrë 50 plus 1 përqind të votave dhe kjo e çon garën në një balotazh midis Belind Këlliçit me 4040 vota dhe Ilir Alimehmeti me 2196 vota.
Balotazhi me vendim të Kryesisë është përcaktuar për një javë, pra me datë 11 dhjetor.
Ilir Alimehmeti ka njoftuar se do të vijojë garën më tej.
“Pas një gare të bukur dhe pozitive me kolegë demokratë të nderuar, raundi i parë kaloi me balotazh.
Faleminderit të gjithë juve që më mbështetët, më votuat dhe më kualifikuat për raundin e dytë më 11 dhjetor 2022!”, shkruan ai.
Interesante në raundin e dytë do të jetë vota që do të delegojnë kandidatët e tjerë dhe ai më kryesori Gerti Bogdani që renditet i treti dhe ka marrë një numër të konsiderueshëm mbështetje.
Votat e Tiranës
Adriana Kalaja 128 vota
Belind Këlliçi 4040 vota
Enkelejda Fejzo 66 vota
Fatmir Merkoçi 35 vota
Gerti Bogdani 1819 vota
Ilir Alimehmeti 2196 vota
Julian Deda 157 vota
Të pavlefshme 29 vota
Votuan 8470
Balotazhet në qarqet e tjera
Vokshi nuk njoftoi zyrtarisht rezultatet e bashkive të tjera por nga terreni raportohet se ka balotazhe të tjera për të dielën e 11 dhjetorit konkretisht në 5 bashki të tjera: Fier, Librazhd, Dibër, Sarandë, dhe Kruje.
Bashkia Tiranë- Belind Këlliçi 4040 vota, dhe Ilir Alimehmeti 2196 vota
Bashkia Fier– Albano Zhapaj me 87 vota dhe Artur Mahmutaj me 242 vota
Bashkia e Librazhdit- Shaqir Kuka me 55 vota dhe Ndricim Lila me 45 vota
Bashkia Dibër- Besnik Alku me 291 vota dhe Ismail Uka 365 vota
Bashkia e Sarandës- Ardit Cikuli me 582 vota dhe Ilir Nikolla me 310 vota
Bashkia Krujë- Ndriçim Babasi me 514 vota dhe Agron Loka me 680 vota
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
