.png)
Një trajtim i bazuar në metilkobalaminë, një formë e vitaminës B12, mund të ngadalësojë përparimin e sklerozës laterale amiotrofike.
Trajtimi mund të përdoret tek pacientët në fillimet e simptomave. Kështu sugjeron një eksperiment i kryer në 25 qendra shëndetësore japoneze. Studimi është publikuar në “Jama Neurology”.
Prej disa vitesh, metilkobalamina ka qenë në qendër të vëmendjes së studiuesve .Testet në e kafshë kanë treguar se përdorimi i saj në një dozë të lartë mund të lehtësojë simptomat.
Megjithatë, eksperimentet në njerëz nuk kanë rezultate të qarta. Rezultatet më të mira dolën tek pacientët të cilit kishin pak kohë që ju kishin nisur simptomat.
Studimi përfshinte 130 pacientë, sëmundja e të cilëve ishte shfaqur kohët e fundit. Pas 16 javësh trajtimi, studiuesit vunë re se pacientët që morën ilaçin përgjysmuan shkallën e përparimit të sëmundjes.
Studiuesit theksojnë se gjetjet janë shumë pozitive. Por ato janë të vlefshme vetëm për pacientët që sapo kanë nisur të kenë simptomat.
Çfarë është sëmundja ALS?
Skleroza laterale amiotrofike ( ALS ), është një sëmundje neurodegjenerative që rezulton në humbjen progresive të neuroneve motorike që kontrollojnë muskujt vullnetarë. ALS është lloji më i zakonshëm i sëmundjes së neuroneve motorike.
Simptomat e hershme të ALS përfshijnë ngurtësimin , dridhjet dhe dobësi graduale të muskujve. ALS është e shprehur në dy forma. Mund të nis me dëmtimin e gjymtyrëve ose me vështirësi në të folur ose në gëlltitje.
Shumica e njerëzve përjetojnë dhimbje. Muskujt e prekur janë përgjegjës për përtypjen e ushqimit, të folurit dhe ecjen. Humbja e neuronit motorik vazhdon derisa aftësia për të ngrënë, për të folur, për të lëvizur dhe më në fund humbet aftësia për të marrë frymë.
Shumica e rasteve të ALS (rreth 90% deri në 95%) nuk kanë ndonjë shkak të njohur dhe njihen si ALS sporadike. Megjithatë, besohet se ka dy faktorë që ndikojnë, ai gjenetikë dhe mjedisor. Kjo sëmundje nuk ka një kurë të njohur.
Burimi: La Stampa/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
