Gazeta Si- Pas Fushë Kuqes, një tjetër shtëpi, e cila dyshohet se shërbente si bazë për furnizimin e grupeve kriminale u zbulua nga autoritetet policore, këtë herë në Shkodër.
Banesa ndodhej në lagjen "Partizani" dhe ishte në pronësi të një 26-vjeçari, me iniciale R.G., i cili u arrestua.
Në brendësi të saj autoritetet gjetën maska, paruke, jelekë antiplumb, armë gjahu, municion luftarak dhe sende të tjera që dyshohet se do të përdoreshin nga grupe kriminale për të kryer krime, si edhe lëndë narkotike.
U sekuestruan gjithashtu edhe 1 kavanoz dhe 13 pako të mbushura me lëndë të dyshuar narkotike kanabis, si dhe një sasi tjetër e kësaj lënde, e ndarë në doza, gati për shitje në afërsi të shkollave, lokaleve dhe në zona të ndryshme të qytetit të Shkodrës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.