Para

Tirana, kryeqyteti më i shtrenjtë në rajon për të huajt

Përpos peizazheve të bukura dhe reliefit të shumëllojshëm, Shqipëria ofron për turistët kulinari të shkëlqyer, por mbi të gjitha të lirë.

Çmimet e lira, janë një nga arsyet që të huajt rendisin si me rëndësi kur zgjedhin Shqipërinë për të vizituar apo kaluar pushimet.

Por kjo nuk është e vërtetë në termat e jetesës për të huajt, përveçse për vetë shqiptarët. Në raport me të ardhurat për frymë, të ardhurat në raport me PBB, të ardhurat dhe shpenzimet, Tirana është kryeqyteti më i shtrenjtë i rajonit dhe Europës për vendasit, por kjo rezulton edhe për të huajt që jetojnë apo studiojnë në Tiranë.

Sipas raportit më të fundit të EXPATS 2019, web ndërkombëtar që vepron që prej 2007-ës për të ndërlidhur komunitetet e huaja në çdo vend (studentët, të punësuarit, udhëtarët) dhe pajton për studime tregun kompaninë konsultuese Mercer, rezulton që Tirana krahasuar me vitin e kaluar është ngritur në renditje me 9 vende dhe pozicionohet e 166 në listën e kryeqyteteve më të shtrenjta të botës nga 209 kryeqytete të marra në studim.

Ne lëmë pas Rumaninë ( 176), Bullgarinë (177), Serbinë (181), Bosnje Herzegovinën (194 e cila ka rënë me 3 vende), Maqedoninë ( 201).

Listën e kryeson Hong Kong si qyteti më i shtrenjtë në botë për expatriates për të dytin vit me radhë, sipas raportit vjetor të firmës konsultuese Mercer.

Tetë prej 10 qyteteve të cituar në sondazhin e kostos së jetesës janë në Azi, nga gjashtë që hynë në vitin 2018. Tregu i nxehtë i strehimit të Hong Kongut dhe luhatjet në monedhën e saj – e cila është e lidhur me dollarin amerikan – e mbajti qytetin në krye të listës. Tokio u rendit në vendin e dytë, pasuar nga Singapori, Seuli, Cyrihu dhe Shangai.

“Arsyeja kryesore për renditjen e Hong Kongut si një nga qyetet më të shtrenjta për të jetuar është se ende ka kërkesa të forta për strehim të përshtatshëm për emigrantët sipas një standardi që ata presin dhe në vende të njohura me komunitetet e emigrantëve”, tha Mario Ferraro, Udhëheqësi Global i Lëvizjes së Mercerit për Azinë, Lindjen e Mesme dhe Afrikën.

Ai që ka pësuar më shumë rritje në renditje është Ashgabat, kryeqyteti i Turkmenistan.
Kryeqyteti ka kërcyer 36 vende duke u renditur këtë vit në vendin e shtatë, si rezultat i mungesës së parasë dhe mallrave të importuara që kanë rriturr çmimet.

Disa qytete në Shtetet e Bashkuara u ngjitën në renditje për shkak të fuqisë së dollarit. New York kërceu katër vende për të hyrë në 10 të lartë, ndërkohë që San Francisko dhe Los Anxhelos shënuan respektivisht vendin e 16-të dhe 18-të. Shumë qytete europiane ranë në renditje, pasi monedhat vendase u dobësuan kundrejt dollarit, duke iu bashkëngjitur shqetësimeve rreth perspektivës ekonomike, luftës përshkallëzuese të tregtisë dhe shqetësimit të Brexit. Londra ra katër vende duke u renditur në vendin e 23-të, Parisi në vendin e 47 dhe qytetet gjermane Berlin, Dusseldorf dhe Shtutgarti ranë ndjeshëm.
Raporti merr në shqyrtim 209 qytete anembanë botës, duke matur koston krahasuese të më shumë se 200 artikujve në çdo vend, duke përfshirë strehimin, transportin, ushqimin, veshmbathjen, mallrat shtëpiake dhe argëtimin. Ai synon të ndihmojë kompanitë dhe qeveritë shumëkombëshe të përcaktojnë paketa kompensimi për punëtorët e kualifikuar të huaj që dërgojnë ose punësojnë jashtë shtetit.

Qyteti i Nju Jorkut përdoret si bazë për të gjitha krahasimet, dhe lëvizjet e monedhës maten kundrejt dollarit amerikan.

Ferraro tha se ndërsa Azia vazhdoi të tërhiqte investimet e huaja, të huajt po nxisnin kërkesën për mallra, shërbime dhe strehim me cilësi të lartë.

“Megjithë koston relativisht të lartë të jetesës, shumë organizata ende shohin një arsye të fortë për biznesin për të transferuar talentin në dhe brenda rajonit. Në të njëjtën kohë, ne po shohim një fokus në rritje për të pasur biznese të suksesshme, si dhe të matim kthimin e investimit, “tha ai.

Qytetet australiane ranë në renditjes (50), për shkak të zhvlerësimit të monedhës vendase kundrejt dollarit amerikan, me Sydney qytetin më të shtrenjtë të vendit për të emigruar. Mumbai ishte qyteti më i shtrenjtë i Indisë ( 67), ndërsa Nju Delhi u rendit në vendin e 118-të.

Qyteti më pak i shtrenjtë për të huajt është Tunizia në Tunizi, pasuar nga kryeqyteti i Uzbekistanit Tashkent dhe Karachi në Pakistan.

 

Më Shumë