.png)
Termi Sarkoma Ewing tregon një familje të formave kancerogjene që kanë origjinë dhe karakteristika të ngjashme nga pikëpamja histologjike dhe gjenetike. Lloji më i zakonshëm është ai që zhvillohet në kocka, veçanërisht në ato të legenit, rajonit torakal dhe këmbëve. Kryesisht janë fëmijët dhe adoleshentët që preken dhe sëmundja duket se është më e zakonshme tek djemtë.
Studiuesit në Universitetin e Karolinës së Veriut dhe Qendrën Gjithëpërfshirëse të Kancerit Lineberger ka zbuluar një gjen, OTUD7A, që ndikon në zhvillimin e sëmundjes së quajtur sarkomës Ewing. Studimi u botua në revistën "Advanced Science" dhe ekspertët kanë shpjeguar se objektiv kryesor për zbulimin e sëmundjes ka qenë proteina e gjenit me emrin “EWS-FLI1” e cila është gjetur në afërsisht 85% të pacientëve me sarkoma të Ewing. Sipas ekspertëve, kjo proteinë e përbërë nga copa të dy proteinave të tjera, pasi prodhohet vetëm nga qelizat kancerogjene, është një objektiv i shkëlqyeshëm për trajtim.
Hetimi i mëtejshëm arriti në përfundimin se gjeni OTUD7A kontrollon proteinën përgjegjëse për sëmundjen. Për këtë qëllim, një program i inteligjencës artificiale i njohur si "AtomNet" u përdor për të ekzaminuar 4 milionë molekula dhe për të kuptuar se cilat prej tyre ishin në gjendje të kontrollonin gjenin OTUD7A.
Një përbërës i identifikuar, "7Ai" tregoi aftësi të mirë për të zvogëluar formimin e tumorit tek minjtë e laboratorit. Përbërja gjithashtu nuk u duk se ishte toksike dhe nuk vriste qelizat normale të testuara në eksperimentet laboratorike. Studiuesit aktualisht po punojnë me Shkollën e Farmacisë UNC Eshelman për të përmirësuar fuqinë dhe specifikën e 7Ai. Sipas tyre, trajtimi me këtë përbërje mund të sigurojë një mundësi të re terapeutike të synuar për pacientët rezistentë ndaj kimioterapisë. Sidoqoftë, ekspertët thonë se zhvillimi i një ilaçi efektiv do të kërkojë më shumë prova klinike.
Burimi: Il Giornale/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
