.png)
Kur lajmi u bë publik se në Kinë ka shpërthyer një virus i ri me emrin "Corona" dhe po përhapet në të gjithë botën, rrjetet sociale në internet gëlonin nga memet dhe shakatë duke bërë lidhjen e virusit të ri me birrën "Corona|.
Njëjtë ndodhi edhe në Shqipëri, por situata nuk u kthye në asnjë rast serioze. Disa menaxherë baresh dhe furnitorë me shumicë të birrave në kryeqytet tek u pyetën nga Gazeta “Si” nëse ka një refuzim nga konsumatorët për birrën Corona, qeshën dhe e mohuan një gjë të tillë.
Aulona Hamzaraji nga "Illyrian Saloon" u shpreh se “këtë javë në lokal kemi vënë re më pak njerëz se zakonisht, por jo refuzim të birrës "Corona”.
Por sjellja e kosnumatorëve nuk ka qenë e njëjtë jashtë kufijve, ku shakaja është kthyer në një problem serioz.
Lidhja mes Koronavirus dhe birrës Corona, e cila në rrjetet sociale i ka dhënë zemërim krijimtarisë simpatike të mijëra përdoruesve, po ka pasoja konkrete (pra ekonomike) te marka. Me shumë humbje në Bursën e Nju Jorkut.
Tirania e medieve sociale
Që kur Koronavirus u bë një temë masive, dhjetëra meme janë shfaqur në rrjetet sociale që e kanë shoqëruar atë me birrën Corona. Kryesisht foto të çuditshme, të cilat lidhen me dy tema rreptësisht të kundërta: shqetësime për një virus pak a shumë të panjohur, dhe argëtimin që të sjell një pije.
E vetmja gjë e përbashkët është tek emri: Corona, në fakt. Se viruset dhe birra nuk kanë lidhje është e qartë. Dhe gjithashtu do të ishte e padobishme të përsëritet, nëse nuk do të ndodhte që në faqjen e internetit YouGov të ripërsëritej kërkimi për lidhjen mes të dyve, të cilat demonstrojnë se si birra meksikane ka përfunduar si viktimë. Sepse edhe pse mund të duket absurde, dikush mund ta ketë besuar një lidhje të mundshme mes virusit dhe birrës me të njëjtin emër. Dhe i gjithë konteksti po kundërvihet.
Në Google, kërkimet për "Corona Beer Coronavirus" ose "Corona Beer Virus" janë shumëfishuar. Aq më tepër që kompania, ditët e fundit, është detyruar të nxjerrë një shënim në të cilin sqaron se nuk ka asnjë lidhje midis birrës dhe pneumonisë kineze.
Renditja e birrave
Rezultati i markës Corona, sipas sondazhit të YouGov, ka rënë nga 75 pikë në 51 në javët e kaluara. Tendenca merr parasysh informacionin pozitiv dhe negativ që qarkullon, në Shtetet e Bashkuara, për një markë të veçantë. Tregu amerikan është shumë i rëndësishëm për birrën Corona (është e treta më e konsumuar, pas Guinness dhe Heineken. Përsëri sipas YouGov, sot (të enjten) blerjet kanë qenë në minimumin e dy viteve. Por është e vërtetë që është një birrë shumë e lidhur me verën, mbrëmjet në plazh, prandaj të dhënat kanë edhe kontekstin e sezonalitetit.
Sidoqoftë, Constellation Brands Inc (kompania që prodhon birrë meksikane në 50 shtetet që përbëjnë federatën amerikane) humbi 8% në bursën e Neë York këtë javë, siç thekson Bloomberg. Prandaj, një histori që përfshihet nga grotesku përfundon të ketë efekte negative në treg. Një histori që tregon se si kufiri që ndan maturinë dhe psikozën, në këto ditë, është një vijë shumë e hollë.
Sipas të dhënave, Kamboxhia dhe Danimarka kryesuan listën e vendeve që panë një rritje të kërkimeve për “virusin e birrës Corona”.
Të dhënat e kërkimit nga SH.B.A. gjithashtu tregojnë se njerëzit gjithnjë e më shumë kërkojnë birrën dhe virusin së bashku në google për tu siguruar se nuk ka lidhje mes tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
