.png)
Gazeta Si – Në një kohë kur qytetarët i kërkojnë prej 3 javësh dorëheqjen kryeministrit Rama, Partia Socialiste po mban një mbledhje të zgjeruar të grupit parlamentar, ku janë të pranishëm deputetë dhe ministra të qeverisë.
Mbledhja, e cila ka nisur prej orës 10:00, po zhvillohet me dyer të mbyllura në Pallatin e Brigadave, ndërkohë pritet që fjala e Ramës të transmetohet më vonë.
Sipas burimeve, fokusi pritet të jetë tek ecuria e procesit të integrimit europoian dhe procedurat e ndjekura deri më tani për investimin në Zvërnec.
Sipas agjendës së bërë publike, hapja e mbledhjes do të bëhet nga kreu i grupit parlamentar, Taulant Balla ndërsa më pas fjalën e merr kryeministri Edi Rama.
Deputetët pritet të kenë jo më shumë se 2 minuta kohë në dispozicion për diskutime dhe raportime.
Por një tjetër çështje që ka sjellë jo pak debat është edhe largimi nga grupi parlamentar socialist i deputetes Marjana Koçeku, për të cilin deri më tani nuk ka një qëndrim zyrtar as nga kryeministri Rama dhe as nga kreu i grupit parlamentar socialist, Taulant Balla.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje