.png)
Gazeta Si – Gjykata e Posaçme ka konfirmuar masën “arrest në burg” ndaj vëllezërve Kristi, Fatjon dhe Aleksandër Bushgjokaj dhe të dyshuarit Petrit Hoxha (Çakri), të dyshuar për rrëmbimin dhe vrasjen e të riut Renis Dobra në zonën e Matit më 8 korrik 2025.
Në seancë ata kanë kërkuar ndjesë gjykatës dhe prokurorisë për sherrin që ndodhi seancën e kaluar, ku dhunuan fizikisht brenda kafazit të sallës të bashkëpandehurin e tyre, Petrit Çakrri.
Por ata kanë këmbëngulur që Çakri i ka provokuar dhe ka shpifur ndaj tyre. Rrëmbimi dhe më pas vrasja e 23-vjeçarit Renis Dobra ndodhi më 8 korrik të vitit të kaluar. Ai u mor peng, u mbyt dhe u hodh së bashku me makinën e tij në Liqenin e Shkopetit.
Pas ngjarjes, policia arrestoi tre vëllezërit nga Tropoja, si të dyshuar kryesorë për ngjarjen. Pjesë e organizimit të rrëmbimit dhe vrasjes, ka qenë edhe Petrit Çakrri, i cili u arrestua pak ditë pas vrasjes dhe ku dyshohet se siguroi makinën që u përdor prej autorëve. Shkak dyshohet të ketë qenë prishja e pazareve të drogës mes autorëve të dyshuar dhe viktimës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje