.png)
Gazeta Si - Mbrëmjen e të martës 17 tetor, një raketë goditi Spitalin Al-Ahli al-Arabi në qytetin e Gazës, duke shkaktuar një shpërthim që shkatërroi objektin.
Qindra njerëz vdiqën nga bombardimi në spital. Sipas Ministrisë së Shëndetësisë të qeverisë së Rripit të Gazës, e udhëhequr nga Hamasi, viktimat mund të jenë midis 200 dhe 300.
Një numër fillestar fliste për "500 vdekje". Nuk ka të dhëna përfundimtare për momentin.
LEXO EDHE:
Biden në Tel Aviv, takon Netanjahun: Sulmi jo nga Izraeli. Hamasi më keq se ISIS
Kush e lëshoi raketën?
Sipas Hamasit, shpërthimi u shkaktua nga bombardimet izraelite. "Masakra e spitalit është një pikë e re kthese", - tha lideri i Hamasit, Ismail Haniyeh, sipas të cilit "Shtetet e Bashkuara mbajnë përgjegjësinë për sulmin për shkak të mbulimit që i japin agresionit izraelit".
Ushtria izraelite mohoi të kishte nisur ndonjë sulm ndaj spitalit. “Nga analiza e sistemeve që zotëronte ushtria, një breshëri raketash armike u lëshua kundër Izraelit dhe kaloi pranë spitalit pikërisht kur u godit.
Sipas informacioneve të inteligjencës, Xhihadi Islamik është përgjegjës për lëshimin e dështuar që goditi spitalin”.
RAW FOOTAGE: A rocket aimed at Israel misfired and exploded at 18:59—the same moment a hospital was hit in Gaza. pic.twitter.com/Kf5xJazSap
— Israel Defense Forces (@IDF) October 17, 2023
Gjatë një konference për shtyp të mërkurën në mëngjes, zëdhënësi i ushtrisë Daniel Hagari shpjegoi pozicionin e Izraelit me imazhe dhe video.
“Para së gjithash, struktura e spitalit është në këmbë, - tha Hagari, - nuk ka dëme strukturore dhe nuk ka krater, kjo do të thotë se dëmi nuk është shkaktuar nga sulmi ajror”.
Video e shfaqur nga Izraeli
Gjatë natës, ushtria izraelite postoi një video, ku në sekuencë mund të shihet errësirë atë që duket të jetë një transportues, i cili më pas shpërthen lart mbi qiellin e Gazës, i ndjekur së shpejti nga një shpërthim në tokë.
“Kontrollojeni me kujdes përpara se të akuzoni Izraelin”, thuhet në postim.
Ushtria më vonë sqaroi se ishte një sekuencë e transmetuar nga transmetuesi pan-arab Al Jazeera, me qendër në Katar.
"Nuk ishte qëllimi ynë"
“Një spital nuk është një objektiv për ushtrinë e Izraelit”, lexohet në një pozicion zyrtar të cituar, ndër të tjera, nga BBC dhe “New York Times”.
Tal Heinrich, zëdhënësi i kryeministrit izraelit Benjamin Netanjahu, i tha CNN se "Forcat e Armatosura izraelite nuk synojnë spitalet", duke shtuar: "Ne synojmë vetëm bastionet e Hamasit, depot e armëve dhe objektivat ushtarake, pra terrorizmin".
Më parë, zëdhënësi i ushtrisë kishte nënvizuar "gabimet e shumta në lëshimet e raketave të Hamasit".
Fotot dhe videot e para që mbërrijnë nga spitali tregojnë skena të tmerrshme, me qindra trupa të shtrirë në tokë, të ndriçuar nga pishtarët në natën e errët të Rripit të Gazës, i cili prej ditësh ka mbetur pa energji elektrike.
Izraeli filloi një "rrethim total" në Rripin e Gazës, pasi Hamasi nisi një sulm në tokën izraelite më 7 tetor, në të cilin 1,400 njerëz vdiqën dhe 200 të tjerë u rrëmbyen.
Reagimet
Presidenti i Autoritetit Kombëtar Palestinez, Mahmood Abbas, shpalli zi kombëtare treditore, duke folur për "gjenocid" dhe një "katastrofë humanitare".
Abbas – siç raporton agjencia “Associated Press”, ka anuluar gjithashtu takimin e planifikuar për të mërkurën me presidentin amerikan Joe Biden, i cili do të mbahet të mërkurën në Izrael dhe Jordani.
Tani për tani, qindra palestinezë po protestojnë kundër Abasit në Bregun Perëndimor dhe ka raportime për përleshje midis protestuesve dhe forcave të sigurisë së Autoritetit Kombëtar Palestinez.
Egjipti, një vend në kufi me Rripin e Gazës, "ka denoncuar në termat më të fortë sulmin izraelit ndaj spitalit në Gaza, duke i kërkuar komunitetit ndërkombëtar të ndërhyjë urgjentisht për t'i dhënë fund çdo shkeljeje të mëtejshme të ligjit".
Presidenti turk, Recep Tayyp Erdogan tha se "goditja e një spitali" ishte "shembulli i fundit i mungesës absolute të vlerave njerëzore në sulmet e Izraelit".
Jordania dënoi "sulmin izraelit" në spital. Edhe zëdhënësi i Ministrisë së Jashtme iraniane, Nasser Kanani, dënoi "me fjalët më të forta" sulmin në spitalin në Rripin e Gazës, duke e quajtur atë "një krim brutal lufte dhe gjenocid".
Presidenti i Këshillit Evropian, Charles Michel, gjatë një konference për shtyp në fund të Këshillit të jashtëzakonshëm Evropian për krizën në Lindjen e Mesme, shprehu "lëvizjen e tij për lajmet e fundit sipas të cilave një spital në Gaza u bombardua".
Nëse do të konfirmohej se ishte një sulm, shtoi ai, do të ishte një veprim "jo në përputhje me ligjin ndërkombëtar".
Kryeministri kanadez Justin Trudeau, duke iu përgjigjur një pyetjeje, tha se "nuk është e pranueshme të godasësh një spital" dhe se ajo që ndodhi ishte "e tmerrshme dhe absolutisht e papranueshme".
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
