.png)
Gjykata e Posaçme kundër Krimit dhe Korrupsionit i ka dërguar një letër zyrtare Sali Berishës dhe vetë Kuvendit një ditë më parë ku e vë në dijeni për vendimin ndaj tij; ajo e detyrimit me paraqitje.
Në të njëjtën përmbajtje, përmes një dëftese komunikimi, GJKKO njofton se përmes vendimit kërkohet marrja në pyetje e personit nën hetim Sali Berisha.
Shkresa mban datën 14 Nëntor 2023 dhe është administruar nga Protokolli i Kuvendit.
“Në zbatim të urdhërimit të gjykatës për komunikimin e vendimit Nr.117 datë 26.10.2023 bashkëlidhur ju dërgojmë vendimin me Nr. 117, datë 26.10.2023 të Gjykatës së Posaçme të Shkallës së Parë për Korrupsionin dhe Krimin e Organizuar që i përket shtetasit Sali Berisha me objekt: Marrjen në pyetje të personit nën hetim me qëllim marrjen dijeni nga ana juaj”, thuhet në shkresën e GJKKO.
Ndaj ish-Kryeministrit dhe kryetarit të PD, Sali Berisha, ka masë sigurie detyrim paraqitje dhe ndalim për daljen jashtë Shqipërisë në lidhje me hetimet që po zhvillohen për privatizimin e ish-kompleksit Partizani, për akuzën e korrupsionit pasiv.
Shkresa ka përmbajtje të shkurtër dhe e vetmja arsye që ajo është protokolluar në Kuvend është statusi i deputetit i Sali Berishës dhe për pasojë vënia në dijeni e atij dhe Kuvendit
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
