.png)
Sipas Organizatës Botërore të Shëndetësisë, ka rreth 422 milionë njerëzit me diabet në nivel global.
Në të dy llojet e diabetit, ka një reduktim të ndjeshëm të qelizave beta që prodhojnë insulinë, kryesisht për shkak të shkatërrimit autoimun. Individët me diabet të tipit 1 dhe disa njerëz me diabet të tipit 2, duhet të marrin injeksione insuline çdo ditë për të mbijetuar.
Hulumtimi në rigjenerimin e qelizave beta që prodhojnë insulinë mund të çojë në zhvillimin e një terapie të re për individët. Në një studim të fundit, ekipi i epigjenetikës njerëzore në Universitetin Monash në Melburn, Australi, zbuloi se ilaçi “GSK-126” mund të rivendosë potencialisht qelizat beta që prodhojnë insulinë në pacientët me diabet të tipit 1.
Studimi shfaqet në revistën “Nature”.
Enzima EZH2 pengon gjenet përgjegjëse për zhvillimin e qelizave beta që prodhojnë insulinë. Studiuesit supozuan se bllokimi i aktivitetit të EZH2 mund të rivendosë prodhimin e insulinës. Studiuesit ekzaminuan efektin e frenuesit shumë selektiv EZH2 GSK-126 në gjenet specifike që lidhen me prodhimin e insulinës, duke përdorur indet e pankreasit nga tre donatorë.
Studiuesit zbuluan se stimulimi i qelizave pankreatike me GSK-126 mund të rivendoste gjenet kryesore përgjegjëse për zhvillimin e qelizave pararendëse të pankreasit.
Trajtim i ri i mundshëm për diabetin
Sam El-Osta, Shefi i Laboratorit të Epigjenetikës në Shëndetin e Njeriut dhe Sëmundjeve në Universitetin Monash, e përshkroi këtë metodë të rivendosjes së prodhimit të insulinës një mënyrë të shpejtë dhe efektive.
Duke shmangur përdorimin e qelizave staminale embrionale, autorët e studimit shmangën gjithashtu shqetësimet etike që zakonisht lidhen me teknika të tilla. Një avantazh tjetër i këtij trajtimi të mundshëm të diabetit është se ai është më pak i prekshëm ndaj rreziqeve që lidhen me transplantimin e organeve.
Duke komentuar kufizimet e studimit të tyre, studiuesit shpjegojnë se duhen studime shtesë për të përcaktuar nëse qasja është e suksesshme edhe për pacientët me diabetit të tipit 2.
Kur u pyetën se sa shpejt ky opsion trajtimi mund të bëhet i disponueshëm për publikun, ekspertët thanë se nëse financohet që këtë vit do të jetë në dispozicion për pacientët pas 7-10 vitesh.
Burimi: MedicalNews/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
