Në këto ditë të ftohta dimri, dëbora dhe ngricat janë një problem më vete për drejtuesit e makinave, të cilët duhet të jenë të kujdeshëm në kushte të tilla atmosferike.
Më poshtë po ju renditim 8 këshilla të vlefshme për një udhëtim të sigurt dhe për të parandaluar çdo problem që mund t’i ndodhë automjetit.
1.Këshillohet që t’i jepni kohë vetes 10-15 minuta ekstra në mëngjes në mënyrë që të siguroheni që makina juaj është e sigurt për udhëtim.
2.Duhen ndërruar gomat nga verore në dimërore. Përpara udhëtimit me mjet duhet hequr dëbora komplet nga mjeti.
3.Evitoni manovrat e ashpra, “butësia” është çelsi i artë kur jeni me mjet dhe qarkulloni në akse rrugore me dëborë.
4.Në ngjitje mos hiqni dorë kurrë, vendosni marrshin e parë ose të dytë dhe vazhdoni me kujdes pa u tërhequr dhe pa ekzagjeruar me gazin, por edhe pa “humbur” shpejtësi.
5.Në disheza, përdorni frenimin/motor.
6.Qëndroni larg mjeteve të tjera si distancë udhëtimi.
7.Në rastet e rrugës së mbuluar me dëborë në shtresë të lartë më mirë mos ndiqni gjurmët që mjetet e tjera kanë lënë mbi sipërfaqen e saj.
8.Kujdes me akullin. Është më i rrezikshëm se bora, sepse shpesh është e padukshme në momentin e parë për drejtuesit e mjeteve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
