.png)
Një 40-vjeçar me precedent të mëparshëm penal është arrestuar në Krujë, pasi gjatë një kontrolli në një hotel në pronësi të tij janë gjetur armë zjarri, municion, një jelek antiplumb dhe 20 mijë euro, të dyshuara se kanë burim të paligjshëm.
Operacioni i koduar “Implikimi” u finalizua nga shërbimet e Komisariatit të Policisë Krujë, në bashkëpunim me Drejtorinë për Hetimin e Krimit të Organizuar dhe Drejtorinë e Forcës së Posaçme Operacionale në DPPSh.
Kontrollet u kryen në ambientet e hotelit, në pronësi të shtetasit me inicialet A. Gj. 40 vjeç, i cili rezulton me precedent të mëparshëm penal.
Gjatë kontrollit, efektivët gjetën dhe sekuestruan:
një armë zjarri, pistoletë;
një krehër me 20 fishekë luftarakë;
një jelek antiplumb;
20 mijë euro, të dyshuara se janë përfituar nga veprimtari të kundërligjshme.
Në përfundim të veprimeve procedurale, 40-vjeçari u arrestua në flagrancë, ndërsa sendet e gjetura u sekuestruan në cilësinë e provës materiale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje