.png)
Gazeta Si – Katër persona u përfshinë në plagosjen e ndodhur ditën e hënë në Pogradec, ku mbeti i plagosur me plumb në këmbë, Brian Syzo.
Policia arrestoi dje autorin Nikolla Agollin dhe fill pas tij edhe bashkëpunëtorin, David Prifti, 30 vjeç. Ndërsa u shpallën në kërkim dy persona të tjerë, M.B., 40 vjeç dhe E.A, 22 vjeç.
Sipas policisë, këta persona janë përpjekur ta vrasin Syzon duke e qëlluar me armë ndërkohë që ai ndodhej brenda automjetit të tij të parkuar në lagjen nr.3 të qytetit.
Syzo u transportua me helikopter për në Spitalin e Traumës, pasi plumbi i kishte prekur një prej venave kryesore që i rrezikonte amputimin e gjymtyrës.
Të arrestuarit dhe të shpallurit në kërkim akuzohen për veprat penale “Vrasja me paramendim”, kryer në bashkëpunim, mbetur në tentativë, si dhe “Mbajtja pa leje dhe prodhimi i armëve, armëve shpërthyese dhe i municionit”.
Dyshohet se shkak për sulmin ndaj 35-vjeçarit është hakmarrja, pasi në tetor të vitit të kaluar, vëllai i tij Adni Syzo, kishte plagosur Nikolla Agollin në një berberhane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje