.png)
Nga Gazeta ‘SI’ – 33 punonjës humbën jetën duke punuar gjatë vitit 2024, ndërsa 144 të tjerë u plagosën.
Të dhënat e Inspektoriatit të Punës tregojnë se sektori i ndërtimit dhe i minierave janë burimi më i madh i vdekjeve, nga ku janë raportuar respektivisht, 11 dhe 5 të vdekur. Sipas shifrave, për 3 vitet e fundit, ka një trend në ulje të numrit të punëmarrësve të aksidentuar në punë.
Në 2024-n, Inspektoriati kreu 224 inspektime në të gjithë Shqipërinë mbi aksidentet në punë dhe vendosi 50 masa pezullimi dhe 69 gjoba.
Gjatë vitit 2024 janë inspektuar 9.860 subjekte ekonomike private e shtetërore, me numër total punonjësish 190.340. Nga një vit më parë inspektimet janë ulur me 1% raporton ISHPSH, për shkak të vakancave në institucion.
Një shqetësim i tillë u raportua edhe nga Organizata Botërore e Punës pak javë më parë, ku i kërkonte qeverisë shqiptare të përmirësonte proceset e punës së Inspektoriatit
Numri i inspektorëve në Shqipëri është i pamjaftueshëm për të mbuluar të gjitha subjektet dhe për të siguruar monitorimin e duhur, thekson Organizata. Përpos kësaj, inspektorët janë të kufizuar për të bërë punën e tyre dhe për shkak të mungesës së transportit. Në inspektoriatin e Punës, ILO thotë se janë 22 vende vakante pune dhe i kërkon qeverisë që të marrë masat e nevojshme dhe ta mbështesë Inspektoriatin me buxhetin e nevojshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
