Nga Gazeta ‘Si’- Kreu demokrat Sali Berisha, në konferencën me gazetarët, nuk ka zbuluar planet sesi do të zhvillohet tubimi i 8 shkurtit, por theksoi se do të jetë protestë e fitores.
Do të jetë një protestë e fitores, do të jetë fryma e fitores. Nuk ka të ndalur. Opozita nuk ndalet më deri më 11 maj, ditën e fitores. Unë nuk kam temë tjetër përveçse tema e fitores”, tha Berisha.
I pyetur në lidhje me qeverinë teknike, Berisha tha se nuk kanë hequr dorë.
“Kemi bërë punë shumë me të, kemi fituar shumë mbështetje dhe Edi Rama është tashmë i damkosur si njeri që granit zgjedhjet. Ne vazhdojmë përpjekjet për qeveri teknike”, tha ish-kryeministri.
Ai komentoi edhe udhëtimin e tij të fundit drejt Berlinit, duke theksuar se ai përbënte një hap të rëndësishëm në procesin e fitores për Partinë Demokratike.
Berisha shpjegoi se ky udhëtim ishte një kthim në një moment historik të ngjashëm me ato që ai ka përjetuar gjatë karrierës së tij politike. Ai e krahasoi këtë udhëtim me atë të para 32 vjetësh, kur, si kryetar i PD-së, takoi Helmut Kohl dhe mori pjesë në një samit të OSBE-së.
Lideri demokrat gjithashtu theksoi mbështetjen që ka marrë nga partia më e fuqishme e Europës, CDU, dhe presidentin e saj, Friedrich Merz, i cili e ka shprehur publikisht mbështetjen për fitoren e PD-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
