Gazeta Si - Pas sulmit terrorist në Gjermani, ku një makinë hyri në tregun e Krishtlindjeve në Magdeburg duke marrë përpara turmën, ka reaguar edhe Tirana zyrtare.
Kryeministri Edi Rama përmes një postimi në platformën "X" shprehet se ka mbetur i shokuar prej këtij sulmi që ka marrë jetë të pafajshme.
“Vërtet i tmerruar nga sulmi terrorist në Magdeburg, duke marrë jetë të pafajshme dhe plagosi shumë të tjerë gjatë festimeve në tregun e Krishtlindjeve”, shkruan Rama.
Më tej, shefi i qeverisë shprehet se “Shqipëria e dënon ashpër këtë akt barbar dhe qëndron në solidaritet me Gjermaninë në këtë moment të dhimbshëm".
"Mbetemi të bashkuar kundër terrorizmit dhe ekstremizmit të dhunshëm", thuhet në mesazhin e kryeministrit.
Edhe ministri i Jashtëm, Igli Hasani reagoi përmes një postimi në platformën ‘X’, duke shprehur gushëllime për familjet e viktimave dhe të plagosurve.
“I tronditur thellë nga lajmi i sulmit mizor në Magdeburg që ka lënë dhjetëra familje të shkatërruara gjatë atij që duhet të jetë një sezon i gëzueshëm. Zemrat tona qëndrojnë pranë viktimave, familjeve të tyre dhe popullit gjerman gjatë kësaj kohe të vështirë”, shkruan Hasani.
Ndërkohë, sipas informacioneve paraprake Ministria e Jashtme konfirmon se deri më tani nuk ka shtetas shqiptarë të lënduar nga ky sulm terrorist që i ka marrë jetën dy personave dhe ka lënë 80 të tjerë të plagosur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
