.png)
Shqipëria pritet të hapë një tjetër kapitull të negociatave me Bashkimin Evropian në 17 Dhjetor. Presidenca hungareze e Këshillit të Evropës njoftoi përmes një postimi në rrjetin social X se është dhënë aprovimi për mbajtjen e konferencës së tretë ndërqeveritare me vendin tonë.
“Ambasadorët kanë miratuar gjithashtu qëndrimin e përbashkët të BE-së për grupin 6: Marrëdhëniet e jashtme, duke lejuar që konferenca e tretë ndërqeveritare me Shqipërinë të mbahet më 17 dhjetor”, njofton nga Presidenca hungareze e Këshillit të Evropës.
Pritet që ky kapitull i negociatave të mbyllet shpejt nga vendi ynë, pasi deri më tani Shqipëria e ka njehësuar politikën e jashtme me atë të BE.
Konferenca e dy ndërqeveritare Shqipëri-BE u mbaj në 15 tetor, duke hapur grup-kapitullin e parë të negociatave, ndërkohë të dyja palët kanë vendosur afatin 2030 për anëtarësimin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
