.png)
Gazeta Si – Sytë e botës janë përqendruar në Niger: pas grushtit ushtarak situata nuk është sqaruar plotësisht dhe sulmi i të dielës ndaj ambasadës franceze e ka komplikuar situatën.
Ka dyshime se “longus manus” i Moskës mund të përfitojë nga situata. Por pse ky vend, një nga më të varfrit në planet (60% e popullsisë që jeton nën kufirin e varfërisë të vendosur nga OKB), është bërë kaq strategjik për Perëndimin? Disa faktorë të mundshëm.
URANIUMI – Nigeri është aktualisht prodhuesi i shtatë më i madh në botë i uraniumit.
Evropa është tregu kryesor i daljes së mineralit: një e treta e energjisë bërthamore të prodhuar në Francë varet nga minierat e këtij vendi.
Majin e kaluar, kompania shumëkombëshe franceze “Orano”, njoftoi një marrëveshje të re për shfrytëzimin e minierave në veri të vendit.
Në vitin 2014, “Orano” kishte braktisur aktivitetet e saj në Niger, por kontrata e re lejon minierat deri në vitin 2040.
Por çfarë do të ndodhë tani që qeveria e Bazoum-it është rrëzuar dhe armiqësia kundër francezëve po rritet?
PORTA E EMIGRANTËVE – Nga Mali, Burkina Faso, Nigeri: shumica e emigrantëve që përpiqen të arrijnë në Mesdhe dhe për rrjedhojë në Evropë, konvergojnë drejt shkretëtirës së Nigerit.
Prej këtu, veçanërisht nga Agadez, rrugët e kontrabandistëve kalojnë shkretëtirën, por këtu kthehen edhe njerëzit e refuzuar në kufirin nga Libia dhe Algjeria.
IOM, organizata e OKB-së për emigrantët, vlerëson se më shumë se 7,000 refugjatë në kushte të dëshpëruara u bllokuan në kampet përreth Agadez në mars.
Për vite me radhë, qeveria e Niamey veproi si një “xhandar” për Evropën dhe që nga viti 2015 një ligj shumë represiv (në teori) ka qenë në fuqi kundër trafikantëve të qenieve njerëzore.
BAZAT USHTARAKE – Uraniumi dhe migrantët shpjegojnë gjithashtu praninë masive të ushtarëve evropianë dhe amerikanë në Niger.
Sipas RID (Italian Defense Revieë) në Niger ekziston baza e dytë ushtarake amerikane në Afrikë, afër Agadez; një tjetër është funksional në Niamey.
Edhe Italia, e cila merr pjesë në misionin MISIN për stërvitjen e forcave të policisë lokale, ka në terren rreth 300 ushtarë.
Rreth 1,500 trupat franceze që ishin në zonën e Sahelit u mblodhën gjithashtu në Niger për një operacion për të luftuar zgjerimin xhihadist.
Mali dhe Burkina Faso qeverisen tashmë nga qeveritë e frymëzimit fondamentalist, Nigeria po merret me milicitë e Boko Haram, prandaj regjimi i Bazoum-it ishte aleati i fundit perëndimor në zonë. Çfarë do të ndryshojë tani?
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
