Shkencëtarët kanë zbuluar një mbrojtës brenda trupit tonë që bllokon gripin e shpendëve të na infektojë.
Gripi i shpendëve është përfshirë në katër pandemi që nga viti 1918, duke vrarë miliona njerëz.
Hulumtimi, i udhëhequr nga Universiteti i Glasgow, tregoi se ato pandemi dhe gripi normal dimëror kishin evoluar mënyra për të kapërcyer këtë “pengesë të fuqishme”.
Ekipi mendon se së shpejti do të jemi në gjendje të parashikojmë se cili prej gripit aktualisht te zogjtë paraqet rrezikun më të madh.
Në eksperimentet laboratorike, studiuesit zbuluan një pjesë të kodit tonë gjenetik, ADN-së tonë që aktivizohet si përgjigje ndaj një infeksioni që quhet BTN3A3.
Të dhënat, të publikuara në revistën Nature, treguan se BTN3A3 u bë aktive në hundën, fytin dhe mushkëritë tona dhe se reduktonte aftësinë e gripit të shpendëve për t’u riprodhuar.
Studiuesja Rute Maria Pinto tha se pothuajse të gjithë gripet e shpendëve nuk janë në gjendje ta anashkalojnë këtë mbrojtje pasi ato zakonisht bllokohen prej tij.
“Shumica e madhe e viruseve njerëzore dhe në fakt të gjitha viruset pandemike deri më tani, kanë rezistencë ndaj BTN3A3, por ata e kapërcejnë këtë bllokim dhe për këtë arsye infektojnë”, thotë Rute Maria Pinto.
Ekziston një shans i vazhdueshëm që gripi i shpendëve të kalojë te njerëzit. Ka një shumëllojshmëri të viruseve të gripit te zogjtë e egër dhe shpendët që përbëjnë një rrezik të lartë për shkak të numrit të madh të kafshëve dhe afërsisë së tyre me njerëzit.
Pandemia e gripit të vitit 1918 mendohet se ka filluar te zogjtë dhe vlerësohet të ketë vrarë 50 milionë njerëz. Studiuesit treguan se një formë e gripit të shpendëve të quajtur H7N9 zhvilloi nivele më të larta të rezistencës ndaj BTN3A3 në 2011 dhe 2012 përpara se të shfaqeshin rastet e para njerëzore në 2013.
Vizioni i studiuesve është të analizojnë në mënyrë rutinore ose të renditin kodin gjenetik të gripit që qarkullon aktualisht te zogjtë, të identifikojnë ato të rrezikshmet dhe t’i trajtojnë ato.
Massimo Palmarini, drejtor i Qendrës për Kërkimin e Viruseve në Glasgow thotë se në një të ardhme jo të largët, “ne do të jemi në gjendje të bashkojmë të gjitha pjesët e enigmës dhe mund të jemi në gjendje të kontrollojmë viruset që kanë një rrezik të lartë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
