Gazeta Si – “Shiu” i raketave dhe bombave që goditën qytete të ndryshme në Ukrainë të hënën më 10 tetor shkatërroi ndërtesa, rrugë dhe jetë.
Por një pjesë e rindërtimit – sipas imazheve të publikuara në rrjetet sociale nga administratorët vendas – kryhet nga ukrainasit në kohë rekord.
Dnjipro, rruga “Kalinova”. Vetëm dje, kryebashkiaku i qytetit, Borys Filatov publikoi një pamje të sipërfaqes së rrugës të shkatërruar nga goditja e një rakete. Dhe një ditë më vonë asfalti u pastrua dhe rruga u rihap për qarkullim.
Impresionuese para dhe pas vetëm 24 orësh, fotot i publikoi edhe Filatov në profilin e tij në Facebook dhe ato u bënë shpejt virale në internet.
Në një kanal Telegram, lexohet se transporti urban, si autobusët është rikthyer dhe kanë nisur të qarkullojnë edhe makinat.
Anton Gerashçenko, këshilltar i Ministrit të Punëve të Brendshme të Ukrainës, i ka shpërndarë gjithashtu dy fotot në profilin e tij në Twitter.
Në Kiev, gjithashtu, u punua për të rivendosur trafikun rrugor pas granatimeve dhe raketave të rënda të një dite më parë.
10 of october, aftermath of russian shellings — 11 of october pic.twitter.com/5Yi1fIQ3Oq
— Бо (@kinvshchuk) October 11, 2022
Në fakt, disa fotografi u shpërndanë në Twitter që përshkruanin një kryqëzim të madh rrugor me një krater të thellë të shkaktuar nga një raketë.
Në pamjet e mëposhtme, nga ana tjetër, shihet rruga në riparim dhe disa furgona, kone për punime në rrugë dhe njerëz në punë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
