Është një nga pjesët më të mira të pushimeve, ai moment kur zbulon atë pjesë të qytetit që është e populluar nga vendasit e jo nga turistët.
Time Out ka zbuluar lagjet më të bukura për vitin 2022 në botë.
Në krye të listës është Colonia Americana, që ndodhet në qytetin e Guadalajara në Meksikën perëndimore. Time Out thotë se përzierja e pallateve historike dhe ambienteve muzikore nëpër depo e bëjnë Colonia Americana lagjen më të bukur në botë.
“Guadalajara po kthehet në një vend që duhet të vizitohet patjetër dhe Colonia Americana është ajo pjesë e vendit që duhet të shkosh”, tha redaktori i Time Out Travel, James Manning në një deklaratë.
Ai thotë se kjo lagje është shtëpia e një komuniteti krijues, që ka vende për të ngrënë shumë mirë dhe aty bëhet jeta e natës më e mira.
Lista e Time Out është rezultat i një sondazhi në të cilin mijëra njerëz nga e gjithë bota u pyetën për lagjet e tyre të preferuara në qytetin e tyre.
Cais do Sodré e Lisbonës zuri vendin e dytë në listë. E famshme prej kohësh për jetën e gjallë të natës, lagjja portugeze tani po bën emër si një vend i preferuar për të ngrënë.
“Kjo është lagja ku kuzhinierët e rinj të Lisbonës po hapin restorante të reja”, thotë Time Out.
I treti është fshati Wat Bo, në Siem Reap, Kamboxhia. Sipas Time Out, zona përreth faltores spektakolare Wat Bo ka pasur një “shkëlqim” vitin e kaluar.
Lagjja amerikane e Nju Jorkut, Ridgeood u rendit në vendin e 4.
Ndërkohë Mile End në Montreal, Kanada përmbyll pesëshen më të mirë të Time Out.
Lista, 10 lagjet më të lezetshme të vitit:
1. Colonia Americana – Guadalajara, Mexico
2. Cais do Sodre – Lisbon, Portugal
3. Wat Bo Village – Siem Reap, Cambodia
4. Ridgewood – New York City, USA
5. Mile End – Montreal, Canada
6. Barrio Logan – San Diego, USA
7. Shimokitazawa – Tokyo, Japan
8. Cliftonville – Margate, UK
9. Barrio Yungay – Santiago, Chile
10. Cours Julien – Marseille, France
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
