Janë zbuluar monedha të reja me portretin e mbretit Charles dhe do të hyjnë në qarkullim brenda disa javësh.
Monedhat ndjekin traditën shekullore me monarkun tani me fytyrë majtas, nga ana e kundërt me Mbretëreshën më parë.
Ashtu si me mbretërit e mëparshëm britanikë, dhe ndryshe nga Mbretëresha, ai nuk mban kurorë.
Mbreti Charles e ka miratuar figurën e tij në monedhë.
Monedhat do t'u shiten koleksionistëve nga The Royal Mint nga fillimi i javës së ardhshme dhe do shpërndahen edhe sipas kërkesës nga bankat, shoqëritë e ndërtimit dhe zyrat postare.
Anne Jessopp, shefe ekzekutive e The Royal Mint, tha se monedhat në përgjithësi zgjasin për 20 vjet, kështu që të dy monedhat e Mbretëreshës Elizabeth dhe mbretit Charles do të jenë në qarkullim së bashku për shumë vite në vijim.
"Njerëzit nuk duhet të shqetësohen nëse kanë monedha me mbretëreshën. Ne do t'i mbajmë ato monedha në qarkullim", tha Jessopp.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.