Nga ekranet gjigante në sheshet e qyteteve te lokalet britanike në mbarë botën, mijëra njerëz ndoqën funeralin e Mbretëreshës nga larg të hënën.
Ceremonia u transmetua drejtpërdrejt në rreth 125 kinema dhe disa katedrale në Mbretërinë e Bashkuar, dhe në një ekran të madh në Parkun Holyrood përballë Pallatit të Holyroodhouse, Edinburgh.
Disa ekrane të mëdha u vendosën gjithashtu në Hyde Park të Londrës dhe në qendrat e Mançesterit, Sheffield dhe Newcastle, mes qyteteve të tjera.
Pasagjerët që fluturonin për distanca të gjata në British Airways ishin në gjendje të shikonin shërbimin në ekranet e avionëve gjatë fluturimit, ndërsa ata që nuk ishin nisur akoma u mblodhën rreth ekraneve në sallat e nisjes.
Në Paris, njerëzit u mblodhën në Bombardier, një pijetore angleze e cila ishte hapur herët për këtë rast.
Në Japoni, homazhet me lule u vendosën jashtë ambasadës britanike në Tokio, ndërsa në Amerikë njerëzit u mblodhën në një lokal anglez në Uashington për të parë funeralin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
