.png)
Gazeta Si – Rrugët dhe parqet e Tiranës janë mbushur prej orëve të para të mëngjesit me tifozë të Romës dhe Fejnordit.
Pjesa më e madhe e tyre janë përqendruar në sheshin Skënderbej, te Pedonalja dhe në zonën e ish-Bllokut.
Me birra në duar, mes avujve të alkoolit dhe muzikës së DJ-ve të ndryshëm, tifozët e Fejnordit kanë gjallëruar rrugë te Pedonalja.
Ndërsa ata të Romës, të vendosur në zonën e Amfiteatrit te Liqeni Artificial, kanë qemë pak më të qetë në pritje të finales së madhe.
Megjithatë, mbrëmjen e të martës pati incidente mes dy tifozerive në rrugët e Tiranës, ku pati dhjetëra të lënduar dhe të arrestuar.
Në Spitalin e Traumës u paraqitën 30 të lënduar, nga të cilët 20 ishin policë. Pasi morën trajtim mjekësor, të gjithë dolën nga spitali.
Sonte në orën 21:00 është finalja Europiane e Conference League. Roma-Feyenoord do të përballen në stadiumin ‘Air Albania’ në Tiranë duke e kthyer këtë ndeshje në një moment historik për futbollin shqiptar, pasi për herë të parë në vendin tonë luhet një finale europiane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
