.png)
Një studim i fundit ka treguar se Evulsheld ilaçi i antitrupave laboratorikë i krijuar nga kompania AstraZeneca ruan aktivitetin neutralizues kundër varianteve të Omicron, duke përfshirë nën variantin BA.2 shumë ngjitës.
Këto janë të dhënat e para që shikojnë ndikimin e trajtimit Evusheld të AstraZeneca tek nën variantet e Omicron, pas një rritjeje të rasteve javët e fundit.
Të dhënat nga studimi i fundit nga Universiteti i Uashingtonit në Shtetet e Bashkuara treguan se terapia zvogëloi sasinë e virusit të zbuluar në mostra – ngarkesa virale – e të gjitha nën-varianteve të testuara të Omicron në mushkëritë e minjve.
Evusheld u testua kundër nën varianteve BA.1, BA.1.1 dhe BA.2 të Omicron dhe u tregua gjithashtu në studim për të kufizuar inflamacionin në mushkëri – një simptomë kritike në infeksionet e rënda të Covid-19.
“Gjetjet mbështesin më tej Evusheld si një opsion të rëndësishëm të mundshëm për të ndihmuar në mbrojtjen e pacientëve që vuajnë nga probleme shëndetësore, të cilët mund të përballen me rezultate të dobëta nëse do të infektoheshin me Covid-19”,tha John Perez, kreu i Zhvillimit të Vaksinave dhe Terapive Imunologjike në AstraZeneca.
Javën e kaluar Organizata Botërore e Shëndetësisë tha se shifrat që tregojnë një rritje globale të rasteve të Covid-19 mund të paralajmërojnë një problem shumë më të madh, pasi variantet Omicron dhe BA.2 u përhapën mes lehtësimit të kufizimeve dhe testimeve. U zbulua se Evusheld ul rrezikun e zhvillimit të COVID-19 simptomatike me 77% në prova, pasi miratoi terapinë për parandalimin e infeksioneve tek të rriturit me përgjigje të dobët imune.
Është treguar gjithashtu se Evusheld shpëton jetë dhe parandalon përparimin e sëmundjes kur jepet brenda një jave nga simptomat e para.
Ndërsa, vaksinat mbështeten në një sistem imunitar të paprekur për të zhvilluar antitrupa që luftojnë infeksionin, Evusheld përmban antitrupa të prodhuara në laborator të krijuar për të qëndruar në trup për muaj të tërë për të mbajtur virusin në rast të një infeksioni. Terapia është autorizuar në Shtetet e Bashkuara dhe ende po shqyrtohet nga Agjencia Europiane e Barnave.
Burimi:Reuters/Përshtati:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje