.png)
Gazeta Si – Dy persona janë arrestuar dhe 306 bimë të dyshuara narkotike të llojit kanabis sativa u asgjësuan sot në Malësinë e Madhe gjatë një operacioni antidrogë të koduar “Flagranca”.
Sipas njoftimit zyrtar të policisë, bimët narkotike u gjetën gjatë kontrolleve të ushtruara në terren si rezultat i hetimeve intensive me metoda proaktive. Ato u asgjësuan në vend nëpërmjet djegies.
Në kuadër të operacionit, policia arrestoi në flagrancë dy persona, të dyshuar si autorë të kultivimit të bimëve narkotike. Të arrestuarit janë një 40-vjeçar dhe një 43-vjeçar, banues në fshatrat Guci e Re dhe Grudë e Re.
Policia bën me dije se kontrollet në territorin e qarkut Shkodër vijojnë me qëllim parandalimin dhe goditjen e veprimtarisë kriminale të kultivimit të lëndëve narkotike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje