.png)
Mes një peisazhi magjepsës natyror, ku petku i dëborës së marsit përcolli akoma më shumë frymëzim, ekipi i PPNEA-s vijoi numërimin e shpendëve ujorë, që dimërojnë në liqenin e Prespës dhe të Ohrit, për të mundësuar marrjen e informacionit mbi periudhën e mbërritjes, largimit dhe përqëndrimin e këtyre popullatave dimëruese në këto liqene.
Gjatë këtij monitorimi ekipi i PPNEA-s hasi në mbi 20 lloje shpendësh ujorë dimërues në secilin liqen, ku interesante ka qenë vrojtimi i 8 individëve të rosës së madhe të zezë (Melanitta fusca) në liqenin e Ohrit, 15 individë të sqepbizës (Recurvirostra avosetta) në liqenin e Prespës, si dhe disa lloje më të rralla siç janë nori gushëzi (Gavia arctica), rosa me katër sy (Bucephala clangula), zhytraku i madh (Mergus merganser) dhe ai me çafkë (Mergus serrator).
Llojet e pranishme pothuajse çdo vit në secilën zonë janë rosat zhytëse, rosa laramane me çafkë, kryekuqja e mjeme, zhytkryekuqja e madhe, rosa e përhime etj.
Burimi: PPNEA
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
