.png)
Në një studim nga disa studiues britanikë u zbulua se mbajtja e maskave gjatë ushtrimeve me intensitet të lartë i bënte njerëzit të ndiheshin klaustrofobikë dhe u zvogëlua marrja e oksigjenit.
Gjetjet e botuara në British Journal of Sports Medicine (BJSM) u bazuan në performancën e ushtrimeve të 31 të rriturve të shëndetshëm të moshës 18-29 vjeç ndërsa vraponin, një herë me maskë dhe një herë pa maskë.
Mesatarisht, pjesëmarrësit arritën të vraponin për 1 minutë e 39 sekonda (14 përqind) më pak kur kishin maskë.
30 pjesëmarrës thanë se ishte e vështirë të jepnin maksimumin e tyre ndërsa kishin një maskë.
Disa përshkruan ndjenjën e “klaustrofobisë”, si mbytëse dhe shqetësuese pasi nuk mund të merrnin frymë thellë.
Studiuesit thanë se ndikimi i mbajtjes së maskave gjatë ushtrimeve nuk është vlerësuar sa duhet dhe se rekomandimet për mbajtjen e maskave gjatë ushtrimeve ndryshojnë globalisht.
Por ata thanë që rezultatet “nuk shpjegojnë plotësisht se si mbajtja e maskës mund të kufizojë drejtpërdrejt funksionin kardiovaskular” kështu që arritën në përfundimin se “shqetësimi i shoqëruar me mbajtjen e maskës” kishte çuar në uljen e performancës.
Rezultatet u botuan në British Journal of Sports Medicine (BJSM).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
